豬肉乾

好耐之前見倒有豬肉乾食譜,好似好容易,成日都想試,不過一直冇試。今日終於的起心肝,煮飯時挆多少少豬肉,用嚟整豬肉乾。原來真係幾簡單,當然要整得好就要試多幾次攞吓經驗啦。

今次我用生抽,魚露,糖,再加少少紹酒嚟醃。份量冇正式度,只係比平時醃肉重手 D。醃咗兩個鐘,跟住放上牛油紙,上面蓋上保鮮紙然後轆平佢。用 350F 焗爐焗 15 分鐘,反轉再焗 15 分鐘。攞出嚟放涼之後就可以剪細佢。其實應該要再焗耐少少,同可以加蜜糖再焗。下次試吓先!