Thursday, January 24, 2013

復出2

琴日去咗游水,好開心呀!個泳池冇乜人,大部份時間都係自己一條線,到我差不多走至有個游得好快㗎女仔嚟share條lane.

今次只係慢慢游。一落水游𠴱陣覺得狀態ok,跟想游快D因為D水有D凍,但又唔係好夠氣力⋯ 最後游咗大約半個鐘,下次游多D先。

簡易紐約芝士蛋糕 (附食譜)


前幾日媽媽生日,佢最鐘意㗎蛋糕係 New York cheesecake,所以我整咗一個比佢。由於我想比個surprise 佢,所以就晌清晨襯佢未起身𠴱時整。𠴱段時間通常都係我自己餵奶睇BB(當日老公又要晨早3am返工)為免整唔成,我揀咗個好容易㗎食譜,快快手手整,好在BB好乖冇喊喊,所以我可以晌媽媽超身前完成!

蛋糕細細個再加大大粒士多啤梨做裝飾,媽媽見倒當然好開心個蛋糕又易整,又好食,連唔多食cheesecake 㗎老公都話好食,因為唔太heavy. 

紐約芝士蛋糕(造倒一個6寸薄薄㗎餅,想造個大嘅就double 或者 triple D份量)

材料:
Cream cheese 8oz
糖 1/3 cup
蛋 1隻
檸汁 1TS
vanilla extract 少許 

造法:
1, 預熱焗爐350F
2, 用餅碎加牛油造餅底(今次我用現成㗎)
3, cream cheese 同糖用打蛋器打至軟滑
4, 加入其他材料打至軟滑
5, 倒在餅底上
6, 焗30分鐘

黑芝麻小蛋糕(附食譜)


大肚後期,聽人講話黑芝麻有助生產,所以買咗包黑芝麻粉整芝麻糊。整咗一兩次BB就出生喇!黑芝麻係咪真係有助生產就唔知,不過佢可以通便就體驗過!除咗通便,佢仲有好多維他命同礦物質,又可以降膽固醇,係健康養生食品。

之前見倒有個黑芝麻蛋糕食譜,晌生之前𠴱晚(當時都唔知第二日就生)試整咗一次,不過麻麻地好味,太淡。最近又搵倒另一個食譜於是再試試!今次好味好多!嘻嘻!



食譜係參考moon moon 如月個blog. 個Blog入面仲有個奶茶小蛋糕㗎食譜,好想試試!

材料:
麵粉150g
泡打粉 1茶匙
雞蛋2隻
黑芝麻粉50g
鹽1/8茶匙
糖80g
無鹽牛油100g
牛奶50ml

1, 預熱焗爐360F.
2, 麵粉加泡打粉過篩備用。
3, 用打蛋器將牛油和糖打至軟滑。
4,  先後逐少加入蛋、牛奶、黑芝麻粉、鹽、麵粉混合物拌勻。
5, 放入焗爐焗20分鐘。

Monday, January 21, 2013

復出


前兩個星期終於做返運動喇!

第一次係去gym. 屋企附近有個新架社區中心入面有個小gym. 個Gym 真係幾細。兩部treadmills, 兩部ellipticals, 一部單車,同一D weight equipment. 仲要比兩蚊至入得,同以前公司個免費gym 冇得比!以前響海軍醫院做野,個gym當然好喇,D軍人要操嘛。設施又新又靚,開放時間又長,仲有泳池添益埋我呢D嚮入面做野㗎小巿民! 𠴱陣中午放lunch, 都可以去玩半個鐘。

其實個community center 都幾好,都有泳池,仲要係室內,比三蚊入場,又近屋企,下星期等我去去先!

復出第一次去gym, 只係玩咗elliptical 同weight mechanics 一陣。我體能真係差咗好多。之後跑咗三次步,都只係行下跑下咁⋯ 唉,懶咗咁耐,惟有慢慢build up 返喇⋯

Friday, January 18, 2013

高膽固醇

上兩星期老公去check-up, 我又跟住check,保險包嘛,唔洗錢,咪去囉!

今個星期出報告,嘩!我D膽固醇高到超晒標!一向我都飲食健康,有運動,又偏瘦,都有高膽固醇⋯其實都唔係完全意料之外,因為我好多家人都係高膽固醇,所以我膽固醇高D都唔奇,不過冇理由高得咁緊要,唔通係因為我大肚開始少做運動?

我老公問會唔會同大肚有關?於是我上網check 一check. 原來懷孕同餵人奶會令膽固醇上升到超過正常。所以依家check 膽固醇係唔準。咁都冇咁驚!

不過都係小心D好。上星期開始做番運動。體能差咗好多,要操番!

Tuesday, January 15, 2013

有得食、有得瞓

大肚時,好多朋友都同我講"依家有得食就好食,有得瞓就好瞓喇,BB出世之後,你就冇啖好食,冇覺好瞓喇!"有D過來人仲話,諗番起BB剛出世㗎日子就怕⋯𠴱時想瞓,個BB又喊,BB瞓咗,又要做其他嘢,食飯都冇時間,你有排捱⋯⋯ 𠴱時我諗,我都知辛苦,但係唔係誇張到想瞓幾分鐘都唔得呱。我見D剛生完架朋友都有上Facebook 架喎!

依家湊咗B個幾月,我都有得食,有得瞓!冇錯,我生完之後瞓少咗好多,半夜又要起身,食飯又變得斷斷續續,不過都唔係冇得食、冇得瞓。多得我媽幫手,同老公有個一個月長架假期!

Monday, January 7, 2013

夜奶

睇過D articles, 話BB大約三四個月會戒夜奶。有D BB早D,有D遲D。我當然希望人仔早D戒喇!平安夜𠴱晚,佢凌晨一點幾食完,到清晨五點至起身要食,我仲以為佢開始戒夜奶,但係之後都係一點幾食完,三、四點又食,大約隔三個鐘,其實都唔錯,因為日間佢有時未隔三個鐘就要食。

最近佢清晨𠴱餐都係半瞓半食,食完即瞓,我覺得佢遲D就可以skip 咗呢餐。有諗住逐漸比少D佢,等佢慢慢skip 咗呢餐。

今朝佢三、四點叫咗幾聲,但好快靜番,直至差不多五點至食,半瞓之下只係食咗1.5 oz 又瞓咗。至到差不多六點至再要食。呢次醒D喇,好快食晒,跟住掃完風又瞓番。唔知佢係咪就快戒倒夜奶呢?

Friday, January 4, 2013

尿片結算1

未生之前想買定尿片,不過唔知買幾多。週圍問人,上網搵又冇一定答案,因為個個B唔同。不過好多人都話newborn 片唔好買咁多。依家記錄番作參考。

我地由出世至五星期大用咗:
40+112+96=248

新一年,用一號片喇!又睇下一號片可以用幾耐!

Thursday, January 3, 2013

生命奇妙

有時望住人仔,真係覺得生命好奇妙!佢由兩個細胞結合開始,在我個肚入面慢慢大。第一次照ultrasound, 佢大約十星期大,佢頭大身細,手腳剛開始生長。第二次照,見倒佢活動喇!後來漸漸感到佢在肚裏活動,依家有D miss 𠴱個感覺!佢出世時我真係覺得好 amazing! 成個人仔晌我肚入面出嚟呀!

依家佢日日只係食奶奶, 但已經大咗,而且個樣同出世唔同咗。佢對眼仔開始識追,又多咗𠲖𠲖吖吖,好得意!