蟻隊遊迪迪尼

哥哥一家到訪,點少得去迪迪尼吖,所以佢地嚟到第二日就去啦。因為暑假,我地平日去, 個 park 都人山人海,但係排隊玩 ride 又唔係等好耐喎, 下午仲開始少人添!

雖然朝大家都七,八點起身,但蟻隊攪得嚟入到 park 都十二點啦!所以一去到就食 lunch。食完我陪人仔瞓覺,其他人陪表姐玩 Small World, 仲玩咗兩次。

之後人仔起身,我地就去玩 Autopia. 揸車喎,我以為人仔一定會好興奮,點人仔太矮,坐咗入㗎車裏面咩都睇唔倒,所以全程都無乜反應。

跟住去咗一直好想去嘅 petting zoo!人仔有 D 怕羊仔,唔敢摸佢地!之後去返 Fantasy Land 坐火車,騎木馬,仲玩倒兩次 Small World,因為冇人排隊!

I埋個巡遊就去食飯,之後再行咗一陣買嘢,成九點幾至走!未試過同人仔玩到咁夜呢！

二十個月啦！

呢排唔知做乜鬼,寫 blog 好慢!人仔踏入二字頭,點都要寫兩句,唔係遲 D 就唔記得佢㗎發展㗎啦！

今個月最開心係佢講多咗少少人話!除咗成日"媽媽"聲之外,亦開始"爸爸"聲,但好多時唔係叫爸爸,只係自己晌度講!試過跟倒我講"拍""拆"。有時玩緊車時講"車",有一次講"train".有一排鐘意講"duck",呢排又唔見咗。

活動能力又進步咗。可以雙腳離地跳,唔再係 "un",唔扶嘢上落樓梯好咗,但大多數都會扶嘢。

唱遊時會跟少少動作(不過多數都係晌度自 high!),亦多咗模仿我。呢方面佢比較慢,仲未識揮手之類㗎 gesture. 所以見佢有進步,我好開心!

學人整排毒美顏水

先排上網見人整排毒美顏水,好容易,只係將不同㗎瓜果放入玻璃樽內,加入水,放入雪櫃過夜,第二日就可以當水飲。

我見其他人好多時落青檸,檸檬,薄荷葉等等。我屋企冇,所以今次試落蘋果同車里子,飲落有少少蘋果味,清清涼涼,好適合夏天飲。

藍莓小蛋糕 (附食譜)

我哥哥一家三口過嚟玩一星期,我整咗 D 小蛋糕比佢地做早餐小食!呢排多藍莓,所以用之前士多啤梨蛋糕個食譜嚟整藍莓蛋糕。估唔到大受歡迎,一朝早就清咗一大半,屋企㗎蛋好少清得咁快,我當然好開心!

材料:
麵粉 1 1/2 杯
糖 3/4 杯
泡打粉 2 茶匙
鹽 1/2 茶匙
蛋 1 隻
牛奶 1/3 杯
油 1/3 杯
藍莓 1 杯

做法:
1, 將麵粉,糖,泡打粉,鹽匀合。
2, 加入蛋,牛奶,油,拌勻。
3, 拌人藍莓。
4, 將麵糊倒入蛋糕模。
5, 放入已預熱 350 F 的焗爐焗 25-30 分鐘。

放完一個月"假"

呢個月打少咗 blog, 因為我媽媽嚟咗。佢晌香港雖然幫我哥哥湊住兩個,但都節目多多,成日出街。咁佢嚟到當然唔可以要佢日日晌屋企湊仔啦,所以我地成日去街,飯都少煮咗好多呀,好似放假咁,哈哈!

上星期我哥哥阿嫂同大女過埋嚟玩,我地又去廸士尼又去咗幾日 San Diego, 好開心!就算唔出街,人仔同三歲㗎表姐晌屋企走嚟走去都好熱鬧。琴日佢地返香港啦,依家屋企靜晒,我又回復以往平淡㗎生活。之前掛住玩,佢地走咗我就有好多家務做, 可以 keep me busy, 唔係會覺得好失落。有時間記錄返我地㗎玩樂時間先!

激氣

今日返工真係好鬼激氣!同個護士一齊 reposition 個病人,佢未數夠三聲就拖,我當然跟唔倒,之後就係咁話我做唔倒攪到個病人姿勢唔舒服,要揾第二個人嚟幫手,仲不停咁同個病人同另一個職員話我做唔倒!

我晌醫院做咗咁耐,成日都 reposition 病人㗎啦,點會做唔倒!我諗個護士見我瘦,就覺得我無力 move 唔倒個病人!其實個病人咁本唔需要咁多人幫,佢自己有能力 reposition 自己,但個護士就係咁話要多 D 人幫。。。

最激氣係佢晌病人面前 blame 我!大家一條 team, 唔應該 blame 來 blame 去,我成日都晌病人面前讚其他職員,等病人放心比我地 serve 佢地。

下午我再經過個 unit, 個護士一見我就黑口黑面,洗唔洗咁呀！

好呷完!

又"返學" ~ creative art and music class

人仔自一歲就開始上 kindergym, 依家歲半,有多一堂可以上,叫 creative art and music。一堂兩個鐘,都係同 kindergym 一樣免費!唔洗錢有得玩,當然同佢報名啦！

今日上第一堂,一去到我地要幫個老師 set up. 有唔同 stations: 剪貼, 泥膠, 沙+恐龍, fine motor skill activities (eg ped board), gross motor skills activities (eg slide), 仲有好多大大細細㗎玩具!

一開始係 free play. 車迷人仔當然係咁玩車!我想鼓勵佢玩吓其他嘢,比泥膠佢玩佢就驚,剪貼又唔玩,結果玩咗一陣 peg board。

之後有 circle time, 不過安排得麻麻。老師掟 D 字母咭落嚟又唔用,跟著派樂器,唱兩首歌,中間老師又講埋 D 無聊嘢。之後老師叫 marching 但又唔係個個起身, 到個個起咗身老師又無帶大家圍圈行,結果行兩行 D 細路就走晒去玩玩具,大人又急忙執嘢。

玩咗一陣老師就叫執嘢, snack time. 我又唔知有 snack time, D snack 晌車度,好在都比我揾倒一包餅。。。

食完 snack 就玩彩虹傘,然後又 circle time. 呢轉好 D, 教 1-10 同形狀,不過人仔係咁走去玩其他玩具。之後就完啦。

呢個 class 幾多活動,但老師安排得比較亂。不過唔洗錢嘅就唔好 complain 啦。我會繼續去,最多下次試第二個老師。

久違了的拍拖日

老公忙,我地又冇人幫手湊仔,所以對上一次同老公拍拖食餐飯已經係年幾前,我媽媽過嚟時。今次我媽媽嚟一個月,佢又肯幫我地湊仔等我地去拍吓拖,咁我地當然把握機會啦！

今次拍拖,我地揀咗去 Getty Center. 行藝術館,哈哈,好似好有文化咁！其實係因為老公想睇一個特別㗎相片展覽,七月尾就完啦,所以拿拿聲去睇。

我地我地朝早先去以前間教會崇拜,順便探吓朋友。之後買咗少少屋企嘢,然後就去 Getty 啦！

一去到就揾個相片展,原來唔係好多張相,有少少失望添。。。 之後去行吓花園,晌草地坐吓。好耐冇試過咁寫意啦！再去行吓其他展館,行到差不多五點就走啦。

夜晚去咗食 waffle sandwich,我地想試好耐㗎啦！好耐無試過可以慢慢食,唔先一邊攪個仔一邊自己快快食,哈哈!食完仲可以行一陣至返屋企。兩公婆有時係要放鬆一下拍吓拖㗎！