七個月喇!

瞓退步咗 依家要抱或食奶至瞓著。上午個nap都可以自己瞓個令鐘，下午就最多半個鐘，仲要扭成個鐘，跟住抱住至瞓倒。夜晚好D。最叻係八九點瞓到五點!不過呢兩晚醒幾次。兩三點就瞓唔返，要食奶⋯

食
依然好叻，食得快又食得晒!已食過米糊、蘋果、香蕉、薯仔、紅蘿蔔、意大利瓜、南瓜. 最鍾意係香蕉米糊，好似唔係好鍾意意大利瓜，不過我覺得可能係𠴱次加薯仔整得唔夠稀.

Gross motor development
返身好叻，依家兩面都返得好快!坐得好咗不過未可以自己坐。依然鐘意"企"。試過向後扒少少!

fine motor skill手仔好鍾意摸嘢又鍾意攞嘢。少咗放嘢入口，多數都係用手探索.

social鍾意同人玩，又會玩到ki ki 笑.有時自己會吖吖叫"唱歌".有時見倒陌生人會喊.

食食食!

每個BB都有易湊同難湊之處。人仔易湊之處莫過於食!

開始食solid 差不多三個星期，已經食倒4TS rice cereal 再加幾安奶! 佢仲想㗎，不過唔想加咁快。其實醫生話佢食幾多餵幾多，有時真係想試下人仔呢個食物黑洞可以食幾多!

So far, 佢食過米糊、蘋果、薯仔、紅蘿蔔、香蕉。除咗紅蘿蔔佢一開始食時有D抗拒之外（混入米糊之後都鐘意食)，佢樣樣都食，仲食得好快,次次都清晒!

好在佢好鐘意郁，如果唔係佢實變肥仔！

瞓蚊滋教

最近人仔日間成日瞓D蚊滋教，上個星期仲可以自己晌床仔瞓一、兩個鐘，呢幾日都係每次瞓半個鐘度就成!又要tum 個幾鐘至瞓著，激c⋯⋯ 佢唔夠瞓就容易紐計⋯ 唉 唔知係咪出牙仔?定係growth spur?

幸好佢夜晚瞓得OK，算係sleep through the night. 通常八點幾瞓到四點，中間會醒下但好快瞓返。不過如果佢三點幾醒，就難D瞓返⋯⋯ 我堅持要四點後至餵佢除非佢喊得好緊要喇!所以有時半夜要抱下行下捱到四點至餵佢。試過有一次佢太嘈，結果我要走出yard.... 差D想放佢上車同佢出去兜兜!以前老公都會幫下手，不過依家佢太忙，所以都好少幫，就算我第二日要返工，都係我攪掂。唔知幾時至可以無顧慮咁大覺瞓呢?

BB一個sleep cycle 大約一個鐘。人仔夜晚有時可以連瞓幾個鐘，証明佢cycle 同cycle 之間醒一醒之後可以瞓返。但係nap 就好似連deep sleep 都未入倒就醒咗，跟住又瞓唔返喎!初初唔知點解。後來睇倒篇article 話原來Nap 同夜晚瞓係involve 腦部不同㗎區域，可以係因為咁所以人仔nap 同夜晚瞓教唔同。

瞓教真係一門幾有趣㗎學問!

識食喇!

前幾日開始比人仔試食蘋果。懶媽媽只係用支鐵匙括D蘋果出嚟餵佢。初初佢都唔食，於是我＂隊＂成舊蘋果去佢咀仔，佢申條利仔出嚟，仲申手想攞住個蘋果成舊咬!哈哈!呢個時期乜都想放入口咬!我比佢嘗下D味，跟住又再用匙餵。試咗兩日，憑住永不放棄㗎精神，人仔終於識得啜匙上面㗎蘋果喇!

前兩日我比返rice cereal 佢食，用匙餵，佢食到啜啜聲!

今日第一次比薯溶佢食。佢好鐘意，食唔停，聽日可以比多D佢喇!

見佢識食，又食得開心，好滿足!