22 個月啦！

呢排成日睇新聞,都唔記得咗人仔已經 22 個月大啦,又係時候記錄吓佢㗎成長!

今個月佢講嘢有明顯進步,好似開咗竅咁！依家識講㗎有:
人物: 爸爸, 媽媽, 婆婆, 爺爺, 嫲嫲
食物: 肉, 包, 芝士, 菜, 魚, 麵, 奶
動物: 兔, 汪汪(狗), 鴨, 豬, bear bear, 馬, 馬騮, 貓
植物: 花, 樹
交通工具: 車, 轆, 火車, truck, 飛(飛機)
動作: 行, 跑, 踩, 痴, 揸(車), 坐, 抱, 抹, 拍, 拆, 摸, 落, 攞, 擺,  爬
身體: pat pat, 頭
形容詞: 大, 快, 多, 高, 熱
物件: 屋, 褲, 袜, 泡泡
數字: 1, 2
字母: A, B

仲開始識砌字,例如媽媽行, 媽媽抱, 抹車, 揸車。又成作詞, 例如 pat pat 車, pee-a-poo 車, 包包車。。。 基本上係鐘意咩都加個車字。。。我成日教佢講唔該,謝謝,不過佢又未識講。。。

Potty training 就冇咩大進展,可以晌廁所小便,但唔係成日肯,試過比佢唔著片,佢賴咗幾次都照賴,教極都好似 get 唔倒咁,唯有慢慢嚟。

自理方面,教佢自己著褲,但未完全識。除鞋袜就有時要幫吓。收碗碟,拋垃圾叫佢都識做嘅。clean up 亦係要叫好耐,同佢一齊做佢至幫手。平時佢好鐘意幫手,依家我收衫佢會自動幫我收衣夾,買完餸會幫手攞,抹地就搶住抹,大 D 就睬你都儍㗎啦！

食嘢都係差不多,鐘意食嘅好快食晒,唔鐘意就食兩啖就掛住玩。我會餵吓,但夠鐘就收嘢,由得佢餓!爸爸通常會有心機 D, 會餵多 D!

呢個月因多咗時間晌屋企(病咗。。。) ,所以終於買咗佢㗎書枱同 chairs, 又整多咗嘢比佢玩,例如, sensory bin, 教吓嘢,畫吓嘢, 做吓手功咁。 教咗一輪,依家識大, 細。顏色好似識識地分。

紙盒好好玩

最近成日咩都留,諗住可以有多 D 物料整嘢比人仔玩。大紙盒係其中一樣可遇而不可求嘅材料,當然留底!

好簡單放個紙皮晌樓梯/梳化做 ramp, 比 D 車滑落去,咁就玩一餐。

用用紙盒整個 tunnel, 推車又得,自己爬過去又得!

放咗個紙盒晌度,帶埋公仔入去,唔知佢玩咩,但又好開心喎！

跟住比隻碟佢扮揸車,又玩一輪！

DIY 水龍頭延伸器

之前見有媽媽 blogger 淘水龍頭延伸器,得意又實用。依家人仔唔夠高洗手,需要買返個啦。可惜呢邊冇得淘,街又見有得買,唯有 DIY 啦！

本來諗住用個 lotion 樽剪開佢,但之後見條 pool noodle,剪出適合長度,劏開佢,套住個水龍頭,再用條絲帶固定佢咪得囉!

呢個方法,易過用 lotion樽呀！

sensory bin ~ 綿花球, 螺絲粉, 字母 foam stickers

Sensory play 對嬰幼兒好重要,可以刺激佢地五官發展。sensory bin 就係將一 D 唔同類型,可以刺激五官㗎嘢放埋一齊比小朋友玩。

人仔驚沙同驚一 D 毛毛嘢,可以我冇乜比佢接觸唔同 texture 㗎嘢啦,所以就決定整吓 sensory bin 比佢玩。

上網揾 idea, 見好多都好似幾覆雜,又顏料,又泡泡,又有一 pat pat 㗎嘢。玩就好似幾好玩,不過屋企冇咁多材料。。。諗諗吓,其實只係揾唔同 texture㗎嘢啫,唔一定要咁覆雜嘅。

今次用人仔唔敢摸㗎綿花球, 螺絲粉, 同字母 foam stickers. 本來唔想用食材,覺得好浪費,但咁啱揾倒一細盒舊意粉,而且可以玩好耐嘅。。。用嚟做 sensory bin 之外,又可以用嚟分顏色,數數目,計數。。。 咁都唔係太浪費呱。。。 (自我安慰中)

一路睇佢玩,就發覺呢個 sensory bin 可以刺激:
視覺(唔同顏色)
聽覺(倒/玩螺絲粉有聲)
觸覺(唔同 texture)

又可以訓練:
手指肌肉(執起物件)
手腕肌肉(倒嘢)
分類能力(分顏色,物件)
說話能力(學識講"倒""毛毛")

最重要係佢玩得開心,第二朝見倒個盒,仲即刻叫我開嚟比佢玩添!

毛毛嘢,驚驚呀！

摸落又幾得意喎!

三樣嘢要分類,同一類物件又有唔同顏色,太難啦！

分二隻色簡單 D, 不過仲未識。

都係倒嘢最好玩!

DIY 環保砌圖

屋企冇砌圖比人仔玩,呢排佢又病,天氣又熱,費事出去買,於是諗到可以自己整。本來諗住上網揾公仔 print 出嚟,後來見屋企有好多雜誌,可以撕一頁出嚟做砌圖,於是揾咗一頁汽車廣告。

貼上咭紙上,我用咗個 cereal 盒,再剪開佢,咁就攪掂！

又易又快又環保。唔洗錢㗎玩具,幾慳!

講嘢大躍進!

上兩個月,人仔開始跟我口水尾講嘢,不過多數都係學倒個發音,但係就未識運用。今個月,佢突然開竅咁,除咗跟我講多咗之外,仲識運用。例子見倒車會指住講"車",想食肉會講"肉",見倒烏蠅會講"拍"叫我去拍烏蠅。其中一樣得意㗎係,佢會用"yea"嚟示意好或者係!正一 ABC!

依家佢學講嘢學得好快,日日都有新字,又開始溝通倒,真係好開心呀,等佢開金口等咗好耐啦！等我嗱嗱聲 blog 底佢!

20 個月
媽媽,爸爸
試過跟倒我講"拍""拆"
有時玩緊車時講"車",有一次講"train"

21個月
跟口水尾講過:抹,花,爬,波,祙,飛,mall,peek-a-poo

未到 22個月
適當時候講
花, 車, 爸爸, 媽媽, 轆, 波, 飛, 屋, 包, 泊/拍, 蝦, wol wol (狗), 黑, 爬, bear bear, 拆, 褲, 抹, , 婆婆, 嫲, 爺, 坐, peek-a-poo, 兔, 踩, 肉, 抱, 貓
唔正: 菜, 麵, 芝士, 跌咗, 行, 飽, 1, 2, 樹, 砌, truck, 橙, 坐

返工? home preschool? 生多個?

先排申請咗一份 full-time 工,琴日有個 phone interview, 其實係 screening 至啱。同個人傾吓傾吓,就諗起好多工作上想發展㗎嘢。其車呢排開始揾工,係因為老公想轉行,又或者自己做生意。係㗎話我就要做嘢,咁至有穩定收入同 Benefit.

我做嘢㗎話,人仔就要返學/ daycare. 而且應該唔會生多個,因為我地無人幫,老公又極反對放 baby 去 daycare。。。

如果我唔返工呢,咁我有興趣嘗試 homeschool 到人仔五歲。依家每日睇住佢有進步,好有滿足感!亦可能會生多個,反正我都係留晌屋企,最多做吓 part time, 好似依家咁。。。

其實要生就差不多時候㗎啦,唔係兩個年齡會差得遠,冇咁好玩。。。 不過都仲係諗唔掂。。。

Parent amd tot swim class

我同老公都覺得比人仔上吓游水堂好,等佢熟習吓水性,安全 D.

屋企附近有個 community center 有 parent and tot swim class, 我就同人仔報名。$60 上 7 堂,都唔平㗎,特別係當其他 class 都係唔洗錢㗎時候,呢樣就顯得特別貴啦。。。

報咗名之後我至諗,同佢去游水我又要落埋水,要同佢換衫自己又要換。。。等陣佢驚唔肯落水,又或者突然大喊咪煩。。。又或者可能佢玩到唔捨得走又係煩。。。咁咪揾著我嚟攪?其實會唔會大少少至學會好 D 呢？

不過既然名已報,錢已比,咁就照去啦！

今日上第一堂。大家晌水度介紹完就唱吓歌,拍吓水,跟住晌水度吹泡泡, pass 人仔去老師度, 瞓上浮板踢腳,坐池邊"飛"落嚟我接住佢(要用特別技巧接,等佢會背浮住瞓晌水度,呢個我唔多明,下堂再試。。。)

見佢玩得開心,我就覺得值得啦!其實去都覺得幾好玩!嘻嘻。。。期待下星期再上堂!

4.7 miles

Labor Day 放假,老公一早去踩單車。其實我都好想跟埋去跑步,因晌 trail 跑容易跑長 D。不過老公約咗人一早踩,冇咁熱,人仔未起身,我唯有晌屋企啦。

其實晌屋企附近跑都得嘅,不過跑唔長。不過呢日我決定要跑長 D. 人仔一起身,換好衫,就推埋佢出去跑啦！

呢日跑咗兩個大圈,4.7 mile, 應該係生完之後跑得最長㗎一次!速度慢,不過推住個仔跑,算係咁啦！

呢排差不多隔日跑,不過每次都跑好短。咁都好過冇！一唔跑個肚就出嚟啦,呢個係我跑㗎動力!哈哈!