Basic muffin

坐月坐咗三個幾星期喇，精神好好多。早上見倒個好簡單架muffin 食譜，下午見人仔瞓得咁乖，就整muffin 喇！
材料好簡單，只係麵粉、糖、油、baking powder、奶、蛋、salt. 全部屋企都有。我用咗個 loaf pan 焗，費事浪費D muffin 杯紙。
今朝試咗一片，麻麻地，有D乾又冇咩味。唔怪得review 入面有D人會查牛油、果醬食。
下次改改D材料份量再試過！

Growth spurt?

昨日人仔唔知做咩，成日都冇乜點瞓。食完奶，換完片，掃完風，一放底就喊，瞓一瞓就醒，攪到大家都冇得休息，咩都做唔倒，仲有D frustrated。之前睇過D articles, 話BB三星期大，六星期大，三個月同六個月都有growth spurt. 佢會食多D同fussy D。唔知係咪因為咁，所以佢琴日咁難攪呢？
佢真係長大咗，出院時D newborn 衫有D大，依家啱啱好，過幾日可能唔啱著lu. 好在所有衫都係人地比(有好多，著唔晒)，我一件都冇買過，唔洗浪費！

兩星期後

人仔兩個幾星期大喇！

我一向作息定時，大肚後期更管住＂有得瞓就好瞓＂架精神，一早醒咗又再瞓，有時下午又小睡片刻，諗住生咗之後最辛苦就會係冇覺好瞓。點知第一個星期，我覺最辛苦係痛。傷口痛覺到行又痛，坐又痛，瞓底時轉身又痛，加上我嘗試埋身餵人奶，人仔食得唔好攪到我好痛。而且個人容易累。以前見倒碗就去即刻洗，地污漕就去抹，但係嗰時真係有心冇力

初時我地盡量比人奶佢食，但佢食唔好，唔夠飽，仲覺到dehydration，我地加formula又唔知加幾多，每次餵好耐但佢好快又扭要食。依家好好多。佢每餐大約食四、五安士。我每隔幾個鐘pump一次奶之後用bottle餵，唔夠至再加formula。佢食完，同佢掃完風，換完片之後多數都會乖乖瞓，雖然都至少攪個幾兩個鐘，但比之前好。不過每曰都至少有二、三次佢唔肯瞓，攪到差不多夠鐘食第二餐，真係激死⋯有時我諗係掃風掃得唔好，佢唔舒服。希望咁架情況會好轉喇！

改變人生的一天

十幾日前，bb出世，比預產期早咗九日。當日早上我地去接我媽機,佢話我個肚有D低，之後仲提醒我瞓覺時要好張床，同用成日紙尿片，以防穿水時攪到張床濕唒。於是嗰晚瞓覺，就用咗衞生巾同用張waterproof 架野住張床。

由於媽剛落機，所以佢下午休息，當晚我就同老公去食in and out,諗住遲D BB 出世之後就有排都冇得食。估唔到，當晚瞓到三點，我聽倒卜一聲，然後有少少水流出嚟，於是我去廁所，見係有D血水，但又唔係好多，唔似人地講咁好多水湧出嚟。但係我都打個電話去醫院，個護士叫我去醫院evaluate，於是我地就執野出去。

去到醫院換好衫，瞓底之後至有多D水流出嚟！真感恩！張床同架車，連我條褲都冇濕！護士証實我係穿水，BB 24小時內會出嚟喇！我地都知道有排等，所以老公車番媽返屋企休息。由於穿咗水，護士唔比我週圍行，所以我只係在床上休息。到九點幾，陣痛越來越強烈。十點幾打epidural.嘩！epidural原來係神仙藥！一打完有個陣痛都唔覺，而且打嗰時都唔係好痛，之前打IV仲痛，早知一早打喇!打完之後就繼續休息。

到兩點幾，陣痛又越來越強，如果冇epidural，都唔知點頂！三點幾開始push,到四點幾BB出世喇！push嗰陣真係好辛苦。好想停一停但D陣痛又好強烈。後來知道原來護士中途停咗藥，攪到後尾聯針時好辛苦。好多人一生完，聽倒BB喊聲會覺得低返晒。不過老實講，我一生完，第一個念頭係好辛苦，以後唔生喇！哈哈！

蜜糖muffin (附食譜)

簡單容易，話咁快就整好。今日晚餐焗雞，橫掂用開焗爐，再焗埋muffin喇！食譜參照黃師奶廚藝小百科個blog。

材料: 無鹽牛油 80g [室溫]
          砂糖20g
          蜜糖 20g
          香油 2 g
          雞蛋一隻[室溫]
          麵粉100g [用篩篩兩次呀]
          泡打粉 5 g
          鮮奶 45g

1, 將無鹽牛油用攪拌器打至軟身
2, 砂糖分兩次加入於無鹽牛油中,打至乳白色
3, 加入蜜糖用攪拌器攪勻
4, 雞蛋發勻後加入無鹽牛油中
5, 再將香油加入,用攪拌器打至混合
6, 拌入麵粉同泡打粉輕輕拌勻
7, 再加分兩次慢慢加入鮮奶

拌勻後將佢放入焗盆，個batter好杰吓，所以冇滴倒個焗盆邊，好乾淨！

第二日整返熱都幾好食！好軟！之前仲驚會好甜，因為又落糖又落蜜糖，但其實唔甜，我反而覺得唔係好有蜜糖味。

好易整，以後可以整多D同整吓唔同味！

人仔 shortbread 曲奇

結果，我整咗人仔曲奇嚟代替嗰D生粒粒架 chocolate covered pretzels... 希望佢地過兩日唔會變樣！



整人仔，又幾好玩喎。繼續用埋上次D decor pan. 好方便。不過唔知點解，依家焗shortbread冇以前焗得咁好，食譜同以前一樣,唔知係咪個oven溫度唔準，定係用咗第二D cookie sheet?

Bear bear factory

琴日整咗34枝，原來都唔係好花時間。本來仲諗住分幾日整，每日整一D，不過整整吓就整晒。我發覺最難係紮蝴蝶，因為個袋好短！哈哈！要整多幾個，不過冇晒棉花糖，要去買喇。

平凡不平凡

平凡架一碟餸，花少少心思，就變得不平凡。

       
平凡架一個隔夜餸飯盒，花少少心思，就變得不平凡。

失敗之作 =(

唉，前兩日整嗰D chocolate covered pretzels "生粒粒"。發現之後上網查吓咩事。原來整朱古力係好複雜。之前都知溶朱古力架溫度好重要，一過熱D朱古力就會結埋一舊舊,有半滴水D朱古力就唔用得。

今次D粒粒可能係sugar bloom or fat bloom.整好架朱古力如果放入雪櫃，或者貯存架時間溫度改變太大太快，都可能會引起sugar bloom or fat bloom。我一整完就放佢地入雪櫃，之後又攞咗出嚟貯存，可能係因為咁D朱古力就生粒粒，好似發毛咁，食就食得，不過唔可以請人食喇，嚇死人咩。

於是第二日我就試吓溶少少朱古力然後放佢入模，放在室溫環境，等佢變硬。佢又真無冇生粒粒喎！所以今日又再試吓整chocolate covered pretzels.點知佢在counter乾緊架時間，有D地方已經變變地色。可能係隻朱古力唔好,又可能係溶朱古力架溫度唔對。

唉，成包朱古力都用完，都係唔整呢樣，焗D曲奇餅算。希望唔好失敗喇！

生粒粒架朱古力,好核突... 

新一批，都未乾晒，就開始變色... 

Baby shower treat

今個星期日係我地架baby shower。有幾個朋友幫我地攪。真係多謝佢地！其實我地只係想簡簡單單，冇decor都冇所謂。玩一兩個遊戲，食吓野，傾吓計就夠，唔想大家攪咁多野。朋友會預備小食，不過我都打算整一樣。唔想佢地做咁多，而且呢個係一個比我整野食架藉口！哈哈！

前幾日見倒個baby theme candy mold,係用嚟整chocolate/ candy covered pretzel.見佢好靚，又好似好容易，所以就買嚟試吓。仲有一set candy decor tube。雖然D色唔係好靚， 又比用candy melt貴，但係好方便！第一次整，就試吓用佢喇！太難太唔方便，以後就唔會整架喇！
 

呢幾支candy decor野真係好方便！放入熱水，等一陣就可以用，用完扭番個蓋，下次又可以用過！

我架"double boiler"用嚟熔朱古力！以前成日搬，唔鐘意買野。雖然依家

有個穩定架家，但係都唔想買咁多野返屋企，因為已經有好多野...我連

muffin pan， loaf pan都未買，邊輪到double boiler！所以依家係用個小

煲，加D水，然後放個碗入去放朱古力。又work wor!

第一批製成品！好容易，好好玩呀！下次用第二D顏色，或者試吓mix顏色先

發洩之作

上星期攪保險D野攪到好激氣，到星期五告一段落，決定整吓曲奇餅發洩！整咗朱古力杏仁同檸檬曲奇加檸檬icing。帶咗去團契請人食。發洩之餘又可以益吓人，幾好！

最近好想整好多唔同架曲奇餅。老公話，如果我比心機，研究多D，可以攞去賣，咁我湊仔之餘，又可以賺吓錢喇！哈哈！其實我都見唔少人上網賣曲奇蛋糕，見D人架作品都覺得好勁呀，如果我都可以整到D又靚又好味架作品就好喇！

100 里單車

上星期，老公參加咗一個慈善踩單車event。全程100 miles，分兩日由OC踩到SD。我當然冇踩，做support team。揸車去唔同架休息站，幫佢攞吓野，打吓氣咁。兩日天氣都麻麻，落吓雨，天陰陰咁,不過大家都覺得好好玩.

開始之前大合照

排排隊，等開始

中途休息站,我都有幫手派吓水架

在休息站hea吓吹吓水後再上路

由朝早8點踩到下午3點，終於都到第一日終點喇～

第一日終點在酒店內。老公享受緊免費按摩架時候，我就食食食....

之後佢又攞咗D大會提供架晚飯，我又繼續食...

第二日準備出發～

出發lu,落住雨，濕淋淋，幾驚有意外... 

好嘢！順利完成！好勁啊！！

經過100里，米奇老鼠都污漕哂

support team架工作，第二日仍然繼續--洗衫

煲清甜架粟米水

當然唔少得整甜品慶祝！整不吃力，又討好架杏仁豆腐！老公至愛！"BiKing"! 係咪有創意呢？哈哈！

可樂餅

最近見倒 D blog友整，仲整得好靚好吸引。我一向都鐘意食薯仔，而我老公就鐘意食D香脆架野，於是就試吓整。

整嗰時心想，都唔知幾時會再整，特別係BB出世之後，因為又要整薯溶，又要搓，又要炸，整到成手薯溶嗰陣又或者炸緊嗰陣個B喊都幾煩惱。

我整嗰個係冇肉，只係加咗洋蔥同胡蘿蔔。老公食完之後讚好食。我覺得D薯溶好似濕咗D，下次整完D薯溶之後可以雪耐D，等佢乾D。

由於老公weekend 會參加一個長途單車event,於是第二日（星期五）食午餐時，我就同佢講：「你今日要食多D carb呀，要carb loading，要食多D飯。」
老公：「咁今晚食咩好？」
我：「飯呀，今晚煮意粉都得，唔好食太多肉，難消化。」
老公：「薯仔都係carb喎，不如整琴晚D薯餅，好好食呀！」
嘩!老公大讚，仲encore要再食！屋企冇薯仔，都即刻出去買。嗶！竟然連續兩晚整同一個餸！今次仲加咗少少自家種架rosemary！由於薯餅比較肥，難消化，所以都唔係整好多。

馬拉糕 (附食譜)

本來想整饅頭，不過覺得好似冇咩未，老公又唔鐘意食冇餡架包。後來諗倒整馬拉糕，於是上網搵食譜。在為食貓個網搵倒個食譜，幾容易咁喎，屋企又有齊材料，就決定開工！聽日老公有早餐食喇！

材料:

自發粉  80g 屋企冇自發粉，我用咗麵粉加baking powder （100-120g

麵粉加1ts baking powder = 自發粉）

吉士粉  20g

蛋          2隻

黃糖      100g (我用少D，大約70g)

牛油      30g

奶          60mL

製作:

1, 溶牛油

2, 將蛋及糖打起至輕身(好似平時煎蛋咁)，加入自發粉及吉士粉 

3, 加入奶、牛油打勻 

4, 放混合物於器皿中，隔水大火蒸30~40分鐘

食譜出處: http://www.leisure-cat.com/frm_1272.htm

蒸津白卷

以前屋企成日會買碎肉用嚟整肉餅、蛋角。不過自從聽倒話D碎肉機好污漕之後就冇買碎肉喇。最近仲要聽倒個朋友話工廠攪碎肉時如果跌咗隻老鼠入去都會照攪，好恐怖！

最近時間多咗，所以試吓自己剁碎肉。之前剁過豬肉，用嚟整肉餅、包雲吞同整蛋角。

今次試吓剁雞肉。原來雞肉容易剁D架！今次整津白卷。好耐以前整過一次，之後就冇整過。雖然又要剁肉，又要切粒，不過都唔係好花時間，因為蒸嗰陣唔洗理佢。今次調味唔夠，下次醃肉時重手D先！

炸魷魚

自從搬返嚟屋企之後就煮多好多野。一嚟要煮比老公食，二嚟只係返 part-time，多咗好多時間！而且成日諗，遲D小B出世之後唔會有咁多時間整野食，所以有咩想試整就好依家快D試，整多D熟手D，遲D整都可以快手D，有多幾味選擇。

今日又試新野--魷魚。以前屋企唔會整魷魚，出街都什少食，因為媽媽胃唔好，魷魚難消化，佢食咗好多時會胃痛。再加上魷魚膽固醇高，我一家好多人都膽固醇偏高，所以唔多食魷魚。依家我食多咗魷魚，因為一出街食，去親有椒鹹魷魚架地方，老公一定叫。成日去韓國market都見倒好多唔同架魷魚，今日見倒D細細條減價，於是買咗三條仔。話哂都未煮過，買少少當做實驗喇！

原來清理魷魚唔難。

唔係新鮮嘅，所以炸咗佢。

棒棒棉花糖

我好鍾意睇小皇子媽媽個blog (http://blog.yahoo.com/babyprince-world/articles/page/1)。佢整D野食真係好靚好吸引，有D仲拍埋video教人點整。真係好有心機！

呢個棒棒棉花糖係佢教架其中一樣。今日我試吓整，整得好可以用嚟做baby shower架party favor。

又真係唔難，易過整cookie，又可以預先逐少整。我架製成品當然冇小皇子媽媽嗰D咁靚喇，差好遠！哈哈！嘗試整隻llama，不過整得一D都唔似... 

了結綿花糖--鳥結糖

屋企收埋收埋好多綿花糖，係時間要了結佢地喇，清吓個櫃等我可以買D新零食嘛！
了結糖造法非常容易。20粒大綿花糖放入微波爐叮40秒，加一杯奶粉同適量花生快手混和。放入兩張牛油紙中間按平。然後置於雪櫃中雪凍。雪凍分割成喜愛的形狀，再沾上糖粉或奶粉即成！
(食譜參考自為食貓:http://www.leisure-cat.com/frm_1011.htm)

又嚟奶皇包

又係奶皇包呀！今次其實係第三次。中式飽唔洗搓咁耐，而且每次蒸返熱後都好軟熟，D材料又簡單，整多幾次都唔麻煩！其實最主要係老公鐘意食！哈哈。

呢兩次整都嘗試改變個餡架味道，因為第一次整覺得個餡唔夠味。第二次落少咗水同生粉。第三次再少D生粉同將份量減一半，因為次次都用剩一半。

奶皇餡（改良中版本）（12份）

材料

吉士粉 1湯匙   淡奶 1／2 小罐 砂糖 1/8抔   雞黃 1隻

粟粉 1湯匙    清水 1/2 杯

做法:

1. 將清水,糖、雞蛋拌勻,放入鍋內煮滾

2. 粟粉和吉士粉先用淡奶開溶,水滾時倒入,煮至成濃漿,冷後便成奶黃餡

料