繼續免揉包

自從學識做免揉包之後，就 keep 住整包，所以呢排都冇晌街買包啦！

多數都係整基本麵包一大個，但每次都試吓加唔同配料。整咗幾次，我發覺跟足方法用 入得焗爐㗎 corning ware 焗效果好好！

呢個加咗 rosemary, 第一次用 corning ware 焗，效果好好!大愛 rosemary 包㗎香味！

試咗一個加咗少少 wheat flour 同乾香草，冇影到相。

有呢個加咗 sun dried tomato. 一向我都好鐘意食 sun dried tomato bread, 但我覺得自己整呢個麻麻地好食。隻 sun dried tomato 好似怪怪地咁。

呢個係用一半水，一半奶做嘅。上面界一直線，擠上牛油蒜蓉鹽，面再落少少香草，焗起好香呢！

綠茶雲石曲奇/紅苺曲奇 (附食譜)

以前整過呢款曲奇好多次，最近又有興致整餅，所以就揾近個食譜出嚟整。另外仲整咗紅苺曲奇，咁人仔都有份食啦！

材料：
牛油 150g
糖粉 60g
低筋麵粉 225g
鹽 少許
綠茶粉 5g

做法：
1，將牛油同糖粉拌勻打鬆。
2，加入麵粉、鹽。
3，一半麵團加入綠茶粉，搓勻。
4，將原味及綠茶味麵團混合，整成條狀。5，放入雪櫃雪一小時。
6，預熱焗爐360F.
7，從雪櫃取出麵團，切成一塊塊，放在焗盆上。
8，入焗爐焗15-18分鐘。

紅苺曲奇只係將紅苺加入原味麵團，其餘做法一樣。

字母火車

人仔實在太愛車，所以教材都係用車至吸引到佢。某日教緊佢 'A' 'B' 㗎時候有字母火車呢個構思。於是即刻畫㗎火車，車卡上寫上 'A' 'B', 然後再晌圓形貼紙(做車轆)上分別寫上 'A' 'B'。玩法就係按車卡貼上對應㗎字母轆。

人仔要少少提示至識貼，不過第二見到個 'B' 字㗎時間又識講 'B' 喎，但係又唔係次次講啱，都係要慢慢教多幾次㗎啦！

呢個活動除咗可以學字母之外，又可以訓練小手肌肉，手眼協調。而且學其他字母，英文大細楷，什至數字，顏色都係，可以玩好多次啦！

芝士脆餅 (附食譜)

呢排又有返整餅㗎興致。見到有人整芝士餅，人仔實鐘意食，等我又試吓先。

呢個食譜用好多芝士，整㗎時間有懷疑過唔得，點知搓搓吓又 OK 喎，整起仲好好食。最重要係老公都有食，好快就清晒!

材料：
牛油 60g
麵粉 120g
碎芝士 226g
鹽 少許
水 4大羹

做法：
1，將麵粉、鹽及牛油拌勻。
2，加入芝士。
3，慢慢加入水，搓成麵團。
4，搌成薄片，放入雪櫃30分鐘。
5，分成小塊。
6，放入已預熱 350F 焗爐，焗 15 min.

顏色配對 2

某日佢又攪廚房櫃，比佢搵到個裝蛋㗎碟，係唔知邊個無用比咗我。我其實都冇用，不過見佢靚靚地，就 keep 住佢。估唔到可以成為教材呢！

首先我指住其中一間問佢人仔係咩色，佢就一如既往咩都答藍色!哈哈。咁我就教近返佢正確顏色，然後再請佢揾相同顏色㗎一格。佢一嚟都係亂指，但係提吓佢佢又會睇真 d ，然後會指啱。一個簡單又唔洗預備㗎遊戲，唔錯。

顏色配對 1

人仔仲未識分顏色，睇嘢又成日走漏眼，玩吓顏色配對應該有幫助。

屋企有幾個唔同顏色㗎碗，又有一堆唔同顏色㗎膠蛋，搵幾個同 d 碗一樣顏色嘅，然後要佢將蛋按顏色放入碗就得啦。

幾個月前都玩過類似嘅，不過佢唔係好識玩。依家識玩啦。首先試分兩隻色，再分三隻色都分到。

之後我攞咗個之前做手工用剩㗎蛋盒，貼橙色同綠免色貼紙入去再要人仔放相同顏色㗎蛋入去。佢要少少提示就做到。

雖然人仔學顏色係慢少少，不過見佢有進步就好開心啦！

免揉包～香蔥包，腸仔包

 今次用返上次個甜包食譜，發酵 48 小時，果然係好搓 D 不過麵團依然比較濕，加上自己技術有限，所以整得唔係咁靚。味道唔錯，不過冇出面食開嘅咁軟，大有進步空間呢!

材料：

水 225 g
Instant yeast 1/2 TS
高筋麵粉 450 g
糖 90g
鹽 1/2+1/4 ts
奶粉 30g
蛋 2隻
牛油溶液 90g

做法：
1，乾材料拌勻，加入濕材料拌勻。
2，用保鮮紙蓋好，在室溫發酵1-2小時。
3，放入雪櫃發酵36-84小時。(今次48小時)
4，從需雪櫃拿出來加料整形，用揸了油的保鮮紙蓋好，發酵1～2小時。
5，預熱焗爐 400F。
6，焗25-30分鐘。

sensory play~ 泡泡，顏色水

某日我洗碗時人仔又要嚟，於是我就比佢嚟'幫手'。我洗個煲時，有好多泡泡，人仔就伸手落去玩，跟住我靈機一動，諗到可以滴 D 食用色素落去整顏色水。估唔到又幾好玩喎，色素滴落去時形成唔同㗎 patterns,又可以玩溝色。我當然乘機教吓人仔顏色啦！不過佢依然係咩都話藍色。。。

分顏色

某日人仔攞起張 label 紙晌度貼貼貼,於是我就隨手畫幾個格,教佢分顏色。佢差不多每貼一個都要少少提示,但我發現佢搣同貼貼紙都可以自己做,手指仔靈活咗呢！

另一次我攞咗幾張同貼紙同一顏色㗎紙，比佢對返顏色貼上去，一開始教一教佢佢就識跟返顏色貼。

其實一直都有教佢認顏色，不過佢好似唔係好識，次次問佢咩免色佢都話藍色，指住一樣嘢教佢係黃色，再問佢佢都係話藍色。佢係咪未了解顏色呢個概念呢？

免揉甜包(附食譜)

上癮啦!呢幾日係咁睇包包食譜同 articles, 比我揾倒幾個甜包食譜,於是揀咗個嚟試。我以為甜包唔可以發酵太耐,所以放咗入雪櫃幾個鐘就攞嚟焗。麵團比較濕,所以我只係隨意加少少紅莓乾,冇整形,一大舊咁焗。

之後睇倒有個 blog 話甜麵團可以放雪櫃發酵 36-84 小時,發酵完成, 麵團會冇咁濕,比較易操控。噢,下次要試吓至得!

材料：
水 225 g
Instant yeast 1/2 TS
高筋麵粉 450 g
糖 90g
鹽 1/2+1/4 ts
奶粉 30g
蛋 2隻
牛油溶液 90g

做法：
1，乾材料拌勻，加入濕材料拌勻。
2，用保鮮紙蓋好，在室溫發酵1-2小時。
3，放入雪櫃發酵36-84小時。(今次只放了數小時)
4，從需雪櫃拿出來拌入紅苺乾，約略整形，用揸了油的保鮮紙蓋好，發酵1-2小時。
5，預熱焗爐 350F。
6，焗25-35分鐘。

人仔語錄~白公仔食果

最近老公冇咁忙,夜晚有夜晚有時會講唔故事 "tum" 人仔瞓。頭幾次,老公唔知點解揀咗白雪公主故事講。唔知係咪先入為主,依家每次老公 "tum" 瞓覺,問人仔想聽咩故事,佢就會話:"白公仔。。。食果" 即係白雪公主故事。

哈哈,白雪公主講成白公仔,成個故事只係識講"食果",果然係為食仔!

免揉麵包 (附食譜)

最近又有返整包癮,又開始睇麵包機。我知 P 仔好用,不過唔平,二手都好少見。其他機又唔知好唔好,希望揾倒個平平地㗎二手機試吓。未揾倒機之前,比我揾倒個免揉麵包㗎食譜,一試就成功咗,好滿足呀！睇嚟冇機都可以玩一排先。

材料:
高筋麵粉 300 g (今次用咗中筋)
酵母 1 1/2 茶匙
鹽 1 1/4 茶匙
暖水 300 mL

做法:
1, 將乾材料放入膠盆拌勻。
2, 慢慢加入暖水,拌勻。
3, 蓋好盆,在室溫發酵一小時。
4, 放入雪櫃繼續發酵,麵團會發大,表面有氣孔。
5, 第二日攞出麵團,放在有少許粉的工作枱上約略整成圓形或長形。
6, 焗盆舖上 parchmen paper , 洒少許粉, 放麵團在上。
7, 舖上揸了油的保鮮紙,發酵一小時。
8, 預熱焗爐 425 F。
9, 放一盆熱水在焗爐低層。
10, 在麵團上介兩,三下,放入焗爐焗 25-30 分鐘。

生日加 Thanksgiving 慶祝

今年人仔生日啱啱係 Thanksgiving, 本來諗住提早攪或後補生日會,不會諗到佢兩歲都唔係好知咩係生日,所以唔諗住攪咁多。又諗過請人嚟屋企慶祝 Thanksgiving 加生日,點知約唔倒,因我地住得比大家遠。結果我地去咗幾個朋友屋企 gather, 仲切咗兩次蛋糕!有朋友仲好有心送禮物比人仔!

雖然冇攪生日會,但人仔都有得玩有得食仲有得切蛋糕!佢不知幾開心!仲學識講開 party! 哈哈,今年又冇正式攪生日會,我又懶多一年!

2 歲啦！

話咁快人仔就兩歲啦！今個月講嘢繼續有進步,講倒三個字㗎 phases, 好多動詞加名詞,同簡單句子,例如爸爸切蛋糕,媽媽煮飯。成日重複我地講嘢,跟著自己就不停練習講,好得意。例如有日我講句"爸爸揾 car seat."佢又跟著講。有 D 字冇特別教,但突然自己講,例如 party, clean up, 比賽。識將一個字運用晌唔同情況,例如學識個"完"字,佢就講食完,玩完,買餸完!

開始可以同佢傾計,問佢返學(church sunday school)玩咩,佢會答玩車車,跟著問佢咩車車,佢又會講 D 出嚟。其實都唔知係咪!哈哈!

教佢講自己個名,每次問佢叫咩名佢多數會答,不過有日我問佢媽媽叫咩名,爸爸叫咩名,火車叫咩名。。。 佢都係答佢自己個名!哈哈!

自理方面,可以自己除鞋袜再放好,唔洗幫。除著衫褲就要幫吓。食嘢方面,仲係鐘意用手食,當 D 餐具冇到!好在食粥食 yogurt 佢都會用羹啫。。。 呢期鐘意吐嘢,仲要吐出呢話比媽媽食 @@

一踏入兩歲,就識講個 "no" 字,成日咩都 "no", 唔要就 "no"。正式踏入 trouble two 階段!好在暫時大扭都係眼瞓或剛瞓醒時,其他時間最多 "no" 幾聲。不過就覺得佢唔肯認錯,佢個樣又知衰咁,但係就唔肯講"對唔住"或"住" (平時係發倒音嘅)。可能佢未係好明認錯呢個 concept。

比人放飛機之 Oak Canyon Nature Center

最近參加咗個媽媽會,係比有 preschooler 㗎媽媽參加嘅。個會定期有一 D 活動,其中一個係去 Oak Canyon Nature Center. 於是我 sign up 咗前幾日去。我見有 6 個人 sign up, 諗住可以識吓人啦,點知去到等咗一輪都唔見有其他人,傳咗個信息出去又冇人覆。算,自己同人仔行吓山啦!

個 nature center 有好多 trails, 我地行咗個短嘅,好多樹蔭好舒服,有機會一定再去。希望下次媽媽會會有人嚟,咁我可以識吓人啦！

生日活動第二砲~ La Habra Children's Museum

某一日經過見有個 children's museum, 於是上網睇吓有咩睇。一見佢有火車模型,就想帶人仔嚟睇!兩歲以下係免費,咁就晌人仔生日前嚟一次啦！今次仲約倒另一個媽媽同埋個仔一齊去,好嘢!

其實個 museum 都幾細,同埋 D 展品有 D 立雜,不過人仔玩得好開心。

一入去見倒架車就坐上去揸車,仲有得入油添!呢間房係講能源,另一邊就有幾隻恐龍同考古有關㗎嘢。

跟住間房有個旋轉木馬,人仔上去玩咗轉唔肯落嚟,好在職員比佢玩多轉!另外有半架巴士。

仲有個超級市場櫃同車仔比小朋友扮買餸。

之後就係太空特別展覽。人仔睇兩睇就走咗去!哈哈!

再入去間房就有火車模型啦！人仔睇咗好耐!

之後有間房有少少唔同文化㗎藝術品,再行就入咗去間有動物標本㗎房。人仔摸咗兩隻,就話"驚驚",跟著走返去睇火車!

Museum 另外一邊有間房專比 preschoolers 玩,都係唔同㗎玩具,圖書。人仔當然係玩車車啦!

Museum 出面就有幾卡火車,人仔一見倒就話"坐火車"。佢真係好鐘意坐火車呢！其中一係可以入去嘅,係原裝舊車卡,仲有一 D 車票之類㗎展品。

睇完 museum 之後就晌出面草地野餐,之後再晌隔離個 playground 玩一陣就走啦！

長 vs 短

前一排玩㗎活動,依家至記錄返。之前教過大同細,今次就教長同短。

好簡單咁剪咗兩個長度㗎飲管,然後要佢分別放入長同短格。

睇相佢好似玩得好專心,實情係佢玩兩玩,就自創玩法,企飲管上駕 Lego 車上面。。。好一個訓練小肌肉㗎活動喎！

另一次,我整咗長蘿蔔同短蘿蔔。時啱啱去完 farm, 懶係配合返咁！

唔係車車人仔冇咩興趣!哈哈!依家有時問佢長短,佢都係亂答,仲未識,咔咔哈哈哈！ XD

生日活動第一砲~ 坐火車

人仔就嚟生日,想帶佢坐火車開心吓,於是上網揾吓有咩地方有火車坐。

我揾倒有一個 Model Engineer Club 係由一班模型火車愛好者組成。佢地晌個公園度切咗好多鐵路,又整咗幾駕火車。每個月㗎第三個週末開比人免費坐,好似好好玩咁喎!本來想約多 D 人一齊去,點知冇人得閑,連老公都唔得閑,唯有自己同人仔去啦！

朝早去到排一陣隊就有得上車啦。全程約 10 分鐘,有過橋又有行橋底,好過平時 mall 入面行個圈就算 D 呀！

上車前已同人仔講定坐完要落車,臨到站又講"要落車㗎啦,再排隊就可以再坐。"但係人仔都扭計唔肯落。再排隊時又好心急想行出路軌。

頭兩次都 manage 倒,坐完第三次扭得勁咗,我諗佢又有 D 餓同眼瞓,加上排隊坐火車㗎人多咗,我就同佢去咗隔離個公園野餐,之後行一行草地就上車,等佢瞓啦！

人仔咁鐘意坐火車,我諗我會再同佢嚟。希望下次可以同老公,或者同朋友嚟啦！

上一代幼稚園面試

雖然我唔晌香港,不過都知十一月係幼稚園面試㗎高峰期。睇 blog 見有媽媽忙住同小朋友面試,真係辛苦。。。 其實幾時開始入幼稚園都咁 competitive 㗎呢？

不過諗一諗,其實自己當年都有面試考幼稚園,莫非我媽媽係上一代㗎怪獸家長?!咔咔哈哈哈 XD

我就唔記得面試㗎嘢,都係我媽媽話返比我知嘅。

佢話我 in 完其中一間,佢問我點呀,我就好老積咁答佢"唔好提啦。"

之後見另一間,見完出嚟笑笑口咁攞住好多糖。最後我入咗呢間。

時面試係點我就唔知,不過我諗係輕鬆好多,冇依家咁 competitive.

親子廚房

一直,我都好期待同人仔一齊玩煮飯,打算佢兩歲度,識嘢 D, 就比佢入廚"幫吓手"。有日,我洗碗時佢係都要我同佢玩,咁我又想快 D 洗晒 D 碗,於是就請埋佢一齊洗!佢不知幾開心,因為有得玩水!

之後有日,我煮飯㗎時間佢又要我同佢玩,於是我問佢想唔想睇煮飯,佢話想,咁就比佢企晌梯度睇。睇多兩睇,仲比佢幫手煮吓。其實佢都係"了"吓"了"吓咁。

有日整蛋糕又叫埋佢一齊幫手。

估唔到,未到兩歲,親子廚房就開爐啦！

23個月!

仲有一個月就兩歲,好快呀！

今個月最明顯進步亦係講嘢。識講好多字,有 d 冇特別教過佢都識,例如有日晌街有陣風,佢就講"風",又有日見倒風扇就講"風扇,吹"。同車有關嘅講得特別叻,落車,泊車,be bu 車, 巴士。。。依家人仔好似錄音機咁,我講一句,佢會跟一,兩個字。亦開始講簡單句子例如媽媽揸車,爸爸痛痛。有日佢講"爸爸抱--摸--燈燈"

開始可以傾計,佢多數答單字,多數都係講無聊嘢,例如
我:"車車點呀"
佢:"行"
我:"跟住呢？"
佢:"停"

佢可以表達自己需要,例如要"玩",奶奶","出嚟","抱"。。。

除了講嘢進步外,唱遊做動作都叻咗,有 D 歌我一唱佢就自動做動作。好鐘意唱遊,我一唱起碼唱十次八次。佢亦鐘意音樂,一聽倒歌會 un,拍手或者搖。我好多歌都比佢聽,多數揸車時聽。詩歌, classical, 有時開正係墨佬台唱西班牙文歌照比佢聽,佢又跟住 "un" !

Potty training 冇咩進展,仲係耐唔中 pee 倒一次。問佢次次都話冇,定時捉佢去又唔肯。好多人都話小朋友 ready 㗎時間就好快攪掂,所以我都唔急,慢慢嚟,懶吓先!

瞓都冇咩特別,一次午睡 ave 兩個鐘。夜晚通常9點幾瞓到7點幾,有時半夜醒吓。拖住佢手哼住歌(咩歌都哼!慢節奏就得),15-30 分鐘瞓著。

食都 ok, 開始肯食菜,仍然唔鐘意食飯(但鐘意食粥),所以 lunch 多數整三文治,粉麵之類比佢食。

脾氣大致上 ok, 有時好少嘢會扭,什至係冇原因,但扭一陣佢會突然"醒"咗咁冇嘢。佢扭任何嘢都唔會比佢,同佢講"我講咗唔比就唔比,扭冇用。"然後 suggest 其他嘢比佢。但佢都係會扭一輪。有時為咗防止自己發火,我會行開一邊。。。

Overall 都係聽話嘅,希望繼續係啦！

小農夫

參觀完農田,係時候晌屋企實習啦！

咁啱老公攞咗 D 西蘭花苗返嚟,佢呢排又損手爛腳不宜種植,所以種苗呢個重任就交比我呢個種仙人掌都可以種 c 㗎媽媽手上。。。

人仔仲細,除咗識淋下水之外做唔倒咩,只係晌度行行企企扮吓嘢。不過比佢睇吓 D 植物,睇吓我除草落苗都好。

其實我食咗西蘭花咁多年,都唔知種出嚟係點嘅。上網睇圖至知原來種大之後係有好多葉圍住中間有一棵西蘭花。希望呢度九棵會有一棵種得成啦！

From farm to table

上篇講到我地晌 Tanaka Farm 摘咗少少蔬菜。摘返屋企當然會煮嚟食啦！由洗蔬到切到煮到食,全程都比人仔參與吓,等佢知道平時餐枱上 D 食物係點嚟嘅。

少少紅蘿蔔,洋蔥同豆,加幾隻蝦一齊炒,自己落田摘嘅,特別好食!

參觀農田~ Tanaka Farm field trip

有人介紹屋企附近有個大 farm, 好適合帶小朋友去。上去個網站睇,個 farm 有 wagon ride, petting zoo, pumpkin patch 等等, 好吸引呀!本來想約朋友一齊去,但夾唔倒時間,而農田十一月會休息,所以就自己帶人仔 field trip 啦！

朝早嚟到,原來好多學校成團咁嚟 field trip, 所以都好多人呀,不過聽講週末會仲迫!

我地先去買飛, wagon ride, petting zoo, farm admittion, pumpkin patch 幾樣加埋 $10, 未到兩歲㗎人仔就唔洗錢!

一嚟到人仔就話"坐車",所以就上咗 wagon. 架 wagon 會停一個站,就係個 petting zoo. 個 zoo 有好多羊,同兩隻alpaca, 朝早仲啱啱有隻 alpaca 出世!睇住佢第一次企起身同啜奶奶,好 amazing 呀！人仔就有 D 驚 D "咩咩",唔敢摸佢地。佢又驚,但又要睇,哈哈!

睇完動物,又上返 wagon. 架車圍住個 farm 行咗個圈,之後我地落車,就行去田度摘菜啦!當日有紅蘿蔔,豆同洋蔥。其實我咁大個女,都係第一次摘紅蘿蔔咋！本來冇諗過摘嘢嘅,但一場嚟到,又可以比人仔體驗吓,於是摘咗少少,返屋企就可以同佢一齊煮一齊食啦！

摘完菜,坐低食少少嘢,然後去南瓜田,我又忍唔住攞咗個細嘅！

D 蔬菜以磅計,比完錢諗住走,但人仔想再坐車,於是又同佢坐多轉。 school tour D 人走咗好多,所以呢轉坐得好鬆動!

坐完就返屋企啦！呢個 farm 真係好玩呀,而且唔遠,春天一定會再去!