第一次:出門時至發現㗎 stroller 都幾大架,摺埋仲要拆轆至放倒入車尾箱。揸揸吓車至醒起冇幫人仔換片,所以攪到要去公園換。公園冇換片地方,好在人仔冇便便,唔係實換到一身便。。。跑跑吓佢扭眼瞓。於是我餵幾安奶比佢,希望佢瞓倒,點知唔得,結果要走人,等佢晌車度瞓。。。第一次都係試吓車,同睇環境,行多過跑。
第二次:都係去公園。今次跑/行咗一圈,人仔就開始扭。。。 於是停底同佢玩吓滑梯。點知都係扭。。。所以好快走咗。我覺得佢坐得唔舒服,因為公園彎路多,而架 stroller 前轆係冇得轉嘅,咁轉彎就要㩒低車尾令前轆升起。成日咁上上落落,人仔點會舒服吖。。。
第三次:經過兩次麻麻地㗎經歷其實都冇咩動力去跑,但係唔可以白費老公一番心意今麻,所以決定試吓晌屋企周圍跑。唔洗揸車出出入入,慳好多時間!我仲揾倒條大直路,只需過一條馬路,仲要冇咩車,好安全。跑跑吓人仔仲瞓咗添!
第四,五次:都係晌屋企附近跑。第四次比較熱,跑得唔多,人仔又瞓倒!第五次,天氣涼涼地,雖然人仔冇瞓,不過佢冇扭計。我終於都跑/行倒 3 miles 啦！ pace 係12-14 min/mile. 比以前慢好多呢！不過有運動已好好,希望可以繼續跑!
No comments:
Post a Comment