"孩子的成功來自媽媽1%的改變"閱後感~1

前幾日同人仔去圖書館,順便睇吓 D 大人書。(估唔到我都有時間睇吓書!)呢度個圖書館有幾個書架有中文書,選擇唔多但都有唔少書想睇。今次借咗呢本"孩子的成功來自媽媽1%的改變"。

一路睇,我都覺得有 D 嘢幾有用,但係諗返轉頭又諗唔起。。。我諗我應該寫返少少 summary 同感想出嚟幫助我消化吓 D 內容,同幫助我記憶。原來以前返學做 D 閱讀報告係有用㗎。。。

本書首先提到要成功,唔一定要成績好(求學不是求分數!?)。要自細訓練佢一些基本功,咁對佢㗎未來至有幫助。

基本功:
1. 忍耐力:要訓練孩子有耐性,同肯做一 D 自己唔鐘意做但又需要完成㗎嘢。而且一開始,就要做到完成就唔可以半途而廢。

2. 思考力:要培養孩子㗎思考力。例如佢地提出一個問題,特別係 D 又深又冇一定答案 D, 好似神係咩,唔需要立刻答佢。可以同佢講話不如大家一齊揾吓答案,一星期後一齊討論。

3. 失敗力:要教導孩子失敗咗唔緊要,最重要係盡咗力,同埋要後失敗中學習。



4.幸福力:令孩子覺得幸福,令佢地知道幸福唔係來自物質享受。首先,媽媽要覺得自己幸福。如果成日苦口苦面咁對住仔女,佢地唔會感受到幸福。另外,幫助佢地建立夢想同自信,亦能令佢地有幸福感。

5.領導力:要培養領導力,就要懂得為他人著想,懂得感恩,不以自我為中心。

6.閱讀力:培養閱讀習慣,而且唔係睇完就算。要從書中學習,有機會更可以一齊討論書中內容。孩子也可以寫下閱後感,學習表達自己感覺。

暫時寫住咁多。我覺得有好多地方自己都未做得到,單單係表達自己我已經唔係咁擅長。我諗我要同人仔一齊學習!