青豆敏感?

前幾日人仔面面又有 D紅,夜晚瞓覺又扭多咗計。我懷疑佢又出牙仔。因為之前出牙佢又係咁。但係我又見唔倒有牙冒出嚟喎。之後諗諗吓就醒起我前幾日比佢試㗎新食物係青豆,唔通佢對青豆敏感?但係佢食其他豆又冇嘢喎。

之後上網睇睇,原來青豆敏感都唔係罕見㗎,而且對青豆敏感唔等於對其他豆都敏感。有 D 細路對青豆敏感之外仲對花生敏感。唉,希望佢唔好對咁多嘢敏感啦。不過依家好多小朋友都有敏感。有一次我晌教會睇小朋友主日學玩遊戲,老師叫佢地自我介紹時講吓自己對咩敏感。差不多個個都對某 D 嘢敏感。敏感真係好普遍呀！

琴日冇比青豆佢食,面仔再冇紅啦,不過夜晚都有扭,究竟點解呢？