小花仔初登場

上星期六,人仔獻出佢㗎第一次~做花仔!幾個月前朋友請人仔晌三月時做花仔,當時我心諗:"佢咁細,得唔得㗎。。。"而且佢仲未識行。。。 好在十二月尾正式識行,經兩個幾月㗎練習,佢已經行得好好。

朋友揀㗎花仔衫幾特別,白衫黑褲(自己預備),吊帶加頂帽,好得意呀!晌屋企試衫時出盡辨法想佢戴帽,可惜佢都係唔肯戴。。。

花仔㗎任務,就係攞住個枕頭行去台前,但係人仔對個枕頭毫無興趣。於是得將佢心愛㗎車車札上個枕頭度,諗住佢會肯攞,點知佢只係扭計要攞㗎車車出嚟,掂都唔掂個枕頭。幸好我揀咗架同個 wedding theme 幾襯㗎木頭車車比佢攞住,咁都幾得意吖。

當日佢下午瞓得唔夠,臨"出場"時佢開始有 D 扭計,有時要我抱,有時又想四圍走。我幾驚到佢行陣佢會大喊唔肯行要我抱。好在佢又行得幾好喎。自己行去台前等緊㗎爸爸度,中途仲"撩" D 客人玩。哈哈,叻仔!

可惜當日爸爸唔得閑,我要攞住晒 D 嘢同捉住隻仔,我又冇咩相熟朋友,而且行完禮就急急腳走,因為有人扭計,所以我冇影到相。。。好在爸爸攝影師影倒幾張!