敏感兒童

之前懷疑人仔對蛋白黃豆敏感,但又心大心細,唔知好唔好同佢驗 allergy. 上兩星期 check up 時終於抽咗血驗。抽血過程有人喊爆爭扎 (其實成個睇醫生過程都係),好在我身手都唔差,㩒得住佢右手雙腳加控制唔比佢反身起身拱橋。而抽血哥哥手勢好好,一拮就抽倒,快速完成。

驗血結果證實人仔對蛋白敏感,蛋黃都有少少。環境方面㗎嘢就冇。咁都好 D, 如果佢係對樹,草,花粉 D 嘢敏感,咁我都唔知點避!



其他食物方面,要再抽血至驗倒。。。我明明同醫生講話想知對黃豆同牛奶有冇敏感㗎喎。。。我諗當時人仔太嘈,醫生都聽唔清楚。。。人仔食豆腐時口仔四周出紅點,好似食咗蛋白咁,我諗佢都係敏感。最近試過矮瓜又係咁。。。可能呢樣都敏感。。。

有食物敏感係麻煩 D 㗎啦,希望佢大大吓好 D啦！