芳姐止咳良方

小朋友咳真係好煩,咳極唔完又瞓得唔好,大人細路都辛苦!

最近識咗個朋友,佢有對孖女同人仔差不多大。講開小朋友咳,大家都覺得睇西醫冇乜用。佢同我講上網見倒有個芳姐blog,有好多湯水介紹,又有好多人問關於小朋友病㗎嘢,於是我朋友又問小朋友咳有咩好方法止咳。芳姐好快就覆咗,佢話用:

蘇子, 白芥子, 萊菔子各三錢,搗碎後放入茶包裝然後加米煲成粥比小朋友食。



呢個方係適合有啖㗎咳。味道苦苦地,未必個個肯食。我朋友話大孖肯食,第二日就冇事,細孖唔肯食,所以仲有少少咳。

好似幾得喎,睇嚟我又要出中國人區買呢幾樣"子"啦！

我成日 search湯水時都見倒"芳姐湯水",不過冇 click 入去。同個朋友傾完之後即刻入去睇,又真係好多資料喎!適合大人細路老人家不同病症一般保健湯水食療都有,好有用呀！

芳姐 blog:
http://www.healthy-food.hk/