自學樂趣

我發覺我教人仔嘢,佢通常都唔理我,但係佢自己玩玩吓就會學倒,佢仲會沾沾自喜,好滿足咁。

我知道歲幾應該識叠積木,於是我幾個月前就示範比人仔睇,嘗試教佢。但係每次佢都會推倒 D 積木,仲推得好興奮!咁我就冇刻意去教佢。最近,我見佢好鐘意將 D 嘢叠高,車車,鴨鴨,船船。。。平嘅唔平嘅,咩都叠一餐。有時成功咁將兩樣嘢叠起,佢就會開心笑笑,同吖吖叫,示意比我睇。

原來自己摸索中學嘢係好好玩,好滿足!