釀節瓜

上星期買餸買咗兩條節瓜,一條攞咗嚟煲湯,仲有一條晌我唔知煮咩好㗎時候,見倒佢,就諗到可以整釀節瓜。人地多數用瑤柱釀,我就整個平民版,用肉碎釀。。。

睇食譜話要將釀好㗎節瓜煎一煎,我照跟。出街食呢個餸,我成日 wonder 究廚師會將刮咗出嚟㗎心點處置。自己食,我擺埋落去煮埋佢算。

煎至兩面金金地,就加清湯煮。我用返自己煲㗎節瓜湯。

煮呢個餸預備功夫比較多,不過煮㗎時候唔多洗理。我 set 咗 15分鐘 alarm, 跟住走去摺衫。臨尾順手加 D 菜一齊煮,咁就攪掂一餐,仲整埋老公個飯盒。