hea 煮晚餐之煙三文魚蛋炒飯

呢幾日唔知做咩,提唔起幹勁,成日好似hea 吓 hea 吓咁。琴日星期六,我同老公都成日晌屋企。佢讀書,我睇仔。家務都冇點做。晚餐只係整咗個煙三文魚炒飯。

D 煙三文魚係個朋友送嘅。佢有親戚住晌 Alaska. 佢地好厲害,會出去打獵,捉魚。跟住會將食唔晒㗎肉整成腸仔,將D魚 smoke 咗佢。佢地耐唔中,就會帶 D "貨"落嚟加洲比我個朋友。我朋友就好好咁送咗份煙三文魚比我地。份煙三文唔係一片片,係一舊魚扒,自家製,好正㗎！真係好多謝我朋友!

Hea hea 地㗎日子,整個炒飯,加碟油菜,簡簡單單㗎晚餐,都唔錯呀！