失落的腸粉

今朝一早見倒有人 post 咗個腸粉食譜,我老公好鐘意食腸粉,見屋企有材料,咁就開工整,等佢醒咗有新鮮腸粉食。

老公見倒之後,冇咩表情,問佢帶唔帶返工食,佢話唔洗。跟住我話,咁依家食吖,佢話循例都要食吓嘅。即係其實唔想食囉。最後,佢攪東攪西,攪到夠鐘就返工。兩條腸粉就依然坐咗晌隻碟度。。。

唉,第一次整,當然整得唔係咁好,但係都應該比面食兩啖吖,又唔係好趕時間。不過算啦,佢都唔係第一次唔食我整㗎嘢。唔啱口味,睇落唔好食嘅,佢就唔食,話知理老婆親手整。。。衰在我又鐘意整,結果成日要自己食晒。。。

兩條失落口㗎腸粉,整色整水之後,其實都唔差㗎。結果,佢地成為咗我㗎午餐。