十一個月啦！

嘩!話咁快就十一個月大啦,仲有一個月就一歲啦!

瞓覺:
日間依然兩次 nap. 大約九點同三點。一係坐車或stroller 瞓,一係啜住瞓,間中會晌 swing 度瞓。至少要瞓一個鐘,唔係就扭扭扭!
夜晚通常七點幾就同佢沖涼,跟住食奶瞓覺,多數會喊幾聲,八點前瞓着。第二朝四五點醒,我會埋餵吓,未到六點就會放返佢上床,咁佢會瞓到七點幾,有時六點幾見佢都好醒咁就同佢起身。
半夜好少醒啦,最多都係醒一次!好嘢！



食:
出緊第七,八隻牙,食倒爛飯同粒狀㗎餸！
今個月食多咗好多新嘢:
奇異果,牛油果,油菜,青江菜, 四季豆, 牛肉, 芝麻, 白麵包, pasta, cheerios, squash
仲有好多嘢想比佢試呢！
依家佢三餐奶加三餐固體,次次清晒！

活動能力:
可以扶住嘢行,不通行兩行就爬。單手扶住都企得好穩,唔扶就勉強企倒少少。依然冇時停,換一條片會由扒到跪到坐到企。。。

溝通:
成日自己E E 哦哦"講嘢",有時好似發現倒 D 嘢丫丫咁叫我睇。見倒我地會好興奮,喊多數係扭眼瞓。依家成日去 Storytime, 多咗同其他 BB 接觸,會主動摸人,不過有時見倒人地有佢想玩㗎玩具,佢唔理人一手攞去。。。 要教佢 share 啦！