氣管炎。。。

呢幾日,又回復冇覺瞓㗎日子,因為人仔病咗。。。我就做"培瞓"專員,同佢晌書房瞓,等老公可以瞓得好少少。

星期六晚開始,人仔半夜咳醒幾次,聽得出佢好多啖,但係又咳唔出。有時又好似有點呼吸困難咁,攪到我驚驚地。日間又冇咩喎,只係間中咳兩聲,不過依然係好多啖,所以,我琴日帶咗佢去睇醫生, check 吓。平時 regular check up 都唔多洗等,琴日唔知做咩護士榜完重之後等咗好耐。。。



醫生話佢應該係氣管炎,仲即時同佢做個 breathing treatment,吸 D 藥。嘩,十五分鐘真係漫長!人仔扭來扭去,我又要抱住佢,又要攞住個鼻罩等佢吸倒 D 氣。跟住佢又 fing 開個罩,又整 "nut" 條管。。。 其實我都唔知佢吸咗幾多。。。 不過吸完又真係好 D 喎。之前佢太多啖,喊都喊唔出聲咁,吸吸吓佢已經回復返佢㗎大聲公本色。本來醫生仲諗住比㗎機我,等我晌屋企同佢做多幾次 trtreatment, 但見人仔咁㗎表現,就改為開藥。又等得耐,又做 treatment,攪咗成兩個鐘。。。

夜晚瞓之前比咗藥佢,佢半夜都有醒,不過冇咳得咁辛苦,可能 D 藥真係減少氣管收窄。

其實佢除咗有幾聲咳同瞓得唔好之外,都冇咩嘢,照食照玩。希望佢快 D 好返啦。