自製乳酸飲品

呢個又係睇 Carol 個 blog 學,唔睇唔知原來乳酸飲品係可以自己整。呢度 D 乳酸飲品唔平,至少三,四蚊一枝,又少減價,所以我冇買過(基本上依家除咗奶之外,都唔會買飲品)。

Carol 個食譜係用有糖㗎原味乳酪。我屋企得冇糖㗎原味乳酪,所以要加多 D 糖。Carol係用 cc做單位。我冇嘢度倒 cc, 所以convert 咗做 cup。我個食譜變成一杯乳酪加一杯糖煮溶,放涼後再加三湯匙檸檬汁。放入已消毒㗎玻璃樽,飲時稀釋四至五倍。可存放兩個月。



我整㗎時候,覺得落成杯糖咁多好恐怖,所以減咗少少。沖嚟飲時覺得唔係咁甜,要加多少少糖至似平時飲㗎乳酸飲品。所以整㗎時候係要落咁多糖!不過每次飲都要稀釋幾倍,一樽可以飲好多次,咁我諗一杯其實唔係咁多糖㗎啫。。。 (自我安慰中)