用羹食 mum mum

人仔一歲之後,我開始教佢用匙羹食 mum mum. 初時只係比枝羹佢揸吓,我就用另一隻羹餵佢。慢慢就試吓"不"咗比佢,然後扶住住隻手教佢自己攞羹食。但係佢唔鐘意人掂佢隻手,有時自己試,但係 D 食物就周圍咁跌。。。繼而用手食,隻手一路食一路周圍摸,跟住又玩吓 D食物又掟落地。。。 每次都同佢大戰一輪然後就要執手尾。。。

慢慢,佢學識咗攞起我"不"好㗎羹然後放入口!之後就努力教佢"不"嘢。第一樣學識"不"㗎係 yogurt, 因為基本上佢唔需要"不",放枝羹落個杯度 yogurt 就"痴"咗上枝羹度。學得好地地點知佢又突然厭食!排唔理佢用手定要餵,總之佢肯食就得啦！



幸好厭食只係短暫,不過佢好似習慣咗用手食嘢咁。。。上兩星期開始朝早比吓人仔食 oatmeal, oatmeal 易"不" D, 等佢用多 D 匙羹。佢又學得幾好喎。但係一到食正餐㗎時間佢又要用手。。。

我又唔想次次都逼佢用羹,但又驚佢會習慣用手唔肯轉。好在上星期開始,佢就主動咁用羹食正餐!可能係因為開始掌握得好,又覺得用羹好玩,所以好肯試!雖然仲係食得污漕,不過已經比以前成枱成地都係好好多!某日食完,張枱係乾淨㗎！我見倒超感動!

我真係"不"倒㗎！

我要食晒佢！