我想一覺瞓天光!

人仔呢排又成日半夜醒!其實佢自出世都無幾多晚係唔會醒。sleep train 咗好好多,可以由八點瞓到四,五點,醒咗食奶奶再瞓到六點幾。有時半夜醒咗自己喊兩喊又瞓返。呢排佢半夜有時會醒五,六次。有時好快瞓返,有時就係咁喊。。。以為佢出牙,但係又唔見有。唔知係咪濕疹加乾燥痕痕攪到瞓唔倒呢?

琴晚算好,只係十二點,三點同五點醒過,之後瞓到成八點。雖然醒幾次,不過每次醒都好快瞓返,我都冇咁攰。

以前我瞓少一,兩個鐘,第二日就會覺得好攰好唔夠瞓。依家成年幾我都冇試過一覺瞓到天光,好懷念以前唔洗半夜醒㗎日子。。。