幾歲開始睇電視?

最近有朋友 send 咗篇文章比我睇,係解釋睇電視或其他電子產品對幼兒㗎害處。內容大慨係話睇電視會 overestimated 幼兒㗎腦部,阻礙腦部發展,亦會增加患上 ADHD 㗎可能性。

其實人仔未出世時,我已經決定兩歲前唔比佢睇電視,玩 i-pad/ 電話。暫時都 keep 倒。晌屋企,佢除咗同阿嫲 facetime 時會睇 i-pad 之外(我媽媽好了解我個 "no screen time policy"所以唔會要求人仔望佢,所以同婆婆傾計時,我唔會比人仔睇個 screen),都冇咩 screen time。平時都只係我同佢晌屋企,所以都唔難 keep 嘅。係我自己要節制,唔好晌佢面前篤電話囉!



出街同去人屋企難免會接觸到電視 i-pad. 咁我又冇理由叫人唔好睇,唔好玩。幸好人仔多數都係望兩眼,跟住就玩其他嘢。暫時,佢對電視㗎興趣不大。

原來比小朋友睇電視 i-pad 都好普遍。有幾次晌街人仔扭計。有朋友就好心話可以借部 i-pad/ 電話比人仔睇兒歌,卡通片。因為佢地都係咁比歲幾㗎小朋友睇。我又見過唔少未夠兩歲㗎小朋友識 unlock 電話嚟睇相睇 video. 雖然好叻好可愛,但我令願人仔晌呢方面"輸在起跑線"。佢遲早都會識,我唔想佢細細個就扭計要玩電話!

老公都覺得唔應該比小朋友咁早接觸電子產品。不過佢話差不多兩歲㗎時,可以開始比佢玩吓 D 學嘢 game, 因為佢見過有個未夠兩歲㗎小朋友就係玩 i-pad game 學晒廿六個字母。我諗我會用其他方法教佢先,我真係唔想佢太早接觸電子產品啊！