損手爛腳

呢排人仔㗎手腳成日又紅又痕,所以我每晚晌佢瞓咗之後都同佢磨手甲,等佢唔好 "R" 損。前兩晚攞開咗個指甲"錯",冇磨到,諗住磨少一次半次唔緊要啦。點知第二朝起身同人仔換衫時,就見倒佢隻手損晒！!好陰公豬。。。望落去好似好痛,但我又唔覺得佢覺痛喎,掂佢又唔喊,沖涼照浸水,佢好似唔知自己損晒咁！

呢排佢 D 皮膚好差,唔知係咪同天氣乾燥有關。不過我已經日日夜夜咁同佢揸 lotion,佢都仲係成日 "R". 我最近又比佢試返飲少少牛奶,又唔知係咪關牛奶事呢？其實佢自細飲人奶同奶粉都有牛奶成份,又唔覺佢痕得咁緊要。不不過諗真 D, 佢 D 皮膚一向都麻麻,我諗都係停返牛奶。。。希望佢快 D 好返。