第一次~自己行去圖書館

今日同人仔去圖書館,我做咗一個大膽㗎決定,就係唔帶 stroller, 唔帶揹帶,比佢自己行去圖書館。其實要行㗎路程好短,所以就算佢唔行,抱都唔難。最煩係我要揾書時驚佢攪攪陣啫！

我地去到圖書館,佢都肯比我拖住行入去,不過行行吓就比 D 車同單車吸引住,係都要行過去,攪咗一輪,結果都係要我抱佢入去。還書㗎時候佢乖乖咁拉住我條褲企定定(在佢冇拉底我條褲!)。之後去借 BB 書。度有 D 玩具比小朋友玩。我一邊睇吓借咩書,一邊住人仔。佢係都要攪個小姐姐㗎積木,攪到我好唔好意思。好在個小朋友又冇咁所謂。

睇完 BB 書,想去睇吓大人書,但人仔開始扭計。。。圖書館好靜甘麻,佢晌度呱呱叫,攪到個個望住晒,所以我都係嗱嗱聲 check out 幾本 BB 書就走人!

返到屋企同佢睇吓新書。我發覺佢依家睇書專心咗。以前佢只會指住 D 車車, e e ar ar 兩聲,跟住就會去攪其他嘢。依家我一路指一路讀比佢聽㗎時間,佢會望住頁,有時佢又會自己打開本書好留心咁睇,好似真係讀緊咁！

佢最鐘意都係車車,特別係個轆,一見就指住 ar ar叫,睇極都唔厭!

本書調轉咗,照睇。。。