咩病呢？

琴日病咗,清晨覺得有 D 胃痛,起身之後食咗少少嘢跟住想嘔標冷汗。我斷斷續續咁瞓到十二點幾至起身整嘢比人仔食。之後好似好返 D 就嗱嗱聲煲個湯同預備晚餐。做咗一陣,又想嘔,又好攰,又發冷,於是又瞓過,瞓吓醒吓直至四點幾!夜晚只係煮咗個好簡單㗎飯,同人仔食 mum mum 玩一陣,沖涼瞓覺。我就一齊瞓過!差不多瞓足一日!今日好好多啦,只係胃口麻麻。

唔肯定係咩病,希望唔好再病啦!琴日好在老公可以 work from home,幫手睇住人仔,佢又要做嘢,又要睇仔,又要整屋企個閘,辛苦晒！