今個月最開心就係人你講嘢有明顯進步!
雖然呢排講少咗上個月識講㗎"拍""拆""車",但係就多咗跟我口水尾講。有日我講"抹抹",佢突然跟我講,把聲好得意㗎！另外講過"花","爬","波",祙","飛"。今朝又無端端學我講 "mall", 玩㗎時候又講 "peek-a-poo".
佢有 D 發音唔正,但肯開口已經好好啦！奇怪㗎係之前佢講"鴨"係講得好正嘅,但呢排佢學我講㗎時間又講唔正喎,唔知點解?
除咗講多咗嘢,佢亦識點頭或縮膊以表示"好"。我唔明點解佢會用縮膊以示"好",唔知佢晌邊學返嚟呢？
另外一個進步就係成功晌廁所 pee pee. 通常係沖涼前,瞓覺前比佢試一試,多數都會有。但其他時候叫佢去又搖頭唔去,我諗呢 D 嘢都係唔急得㗎啦。。。
Poo poo 今個月就冇成功過,叫佢換片仲調頭走!你估你包住 D 真係金嚟㗎咩。。。
今個月大致上都好合作,叫佢做咩都會做。最鐘意就係幫手,見我做咩都要幫。買完餸要幫手攞,我掠衫時佢會遞衫遞夾,不過遞兩遞又走開咗！哈哈!見我抹嘢又幫手抹(有次攞住公仔當布抹。。。)平時我又唔係趕時間,所以盡量比佢參與吓,當親子活,順便訓練吓佢做家務都好呀！
扭吓計總有,多數都係唔夠瞓時,算好好啦！
趁佢仲覺得做家務好玩時俾多啲野佢做. wahahahaha
ReplyDelete係呀,我仲灌輸緊做家務等於玩呢個觀念比佢,哈哈!
Delete地地你好,
ReplyDeleteSeeWide特搜網是一個全新互動生活分享平台，集齊各地遊山玩水好去處及講玩、講食、講扮靚、講生活，讓大家分享不同的生活體驗。
你的網誌十分切合我們網站主題，內容及相片也很有質素，請問可否讓我們轉載網誌內的相片及內容？(會注明出處及不作改動)
我們的目的，是盡力網羅優質的相片及內容，建立一個包含豐富生活資訊的玩樂休閒分享平台，讓一眾志同道合的網友可更輕易獲得寶貴的參考資料。現階段，SeeWide 已擁有超過十萬篇生活攻略，瀏覽量亦超過數十萬。
希望你能成為我們平台的一份子，助我們更有效地集結各樣不同的好玩好食生活資訊！
另外，我們亦設有「稿費」制度，透過發表文章所累積的本地瀏覽量，即可兌換稿費！
而我們亦可以你的名義，將稿費捐到香港宣明會，或你指定的慈善機構
詳情可參閱：http://www.seewide.com/space.php?do=help&essay_id=22#001
如有任何查詢, 歡迎電郵至: info@seewide.com
謝謝,我會到貴網參觀一下。
Delete好叻仔呀！講嘢唔正唔緊要架，因為他接觸多過一個語言，他會慢慢適返好架
ReplyDelete小豆都有好多字講唔好，例如巴士，他會講"花士"，pizza，他會講" fizza"
好搞笑
咁都係呀,唔可以一下要求咁高,佢會開口試講已經好好!
Delete人仔咁乖仔鐘意做家務，我覺得小朋友依個歲數真係可以畀佢地多啲做家務培養下責任感架，我宜家都有叫肚B掉垃圾、摺衫同收埋啲衫落櫃筒果啲，佢可能覺得好玩所以鐘意做架 XD
ReplyDelete我都覺得人仔係覺得好玩所以幫手。不過咁咪好囉,等佢地唔做抗拒做家務!
Delete