個館有三層,仲有一 D 室外㗎地方。
我地一去就去咗三樓。上面有個 bounce house,不過我冇比人仔入去玩。一來我見排隊㗎小朋友都幾高大,怕危險,二嚟我唔想人仔玩到唔捨得走扭計要足佢出嚟,所以都係唔好入去!
有一間 rain house, 幾靚不過冇咩玩。
仲有一 D 地方比小朋友畫吓嘢。
最好玩嘅係呢個類似一般室內遊戲室㗎地方。睇真 D 原來係個 sink 同食物,幾得意。兩個小朋友晌度玩得最耐。
之後我地去二樓玩揸車仔同切木條。
二樓仲有 D 爬設施。人仔太細玩唔倒。。。
一樓係圖書館,我地冇時間去睇。
玩到四點 museum 關門我地就走。佢出面仲有個小 playgound. 我地玩咗一陣就走。
離開 children museum, 我地去咗一間 christian book store. 我見一位朋友,同佢傾吓計。其他人就買嘢,五點幾就返酒店。
見有 D 時間,我地就拿拿聲換衫落酒店游泳池玩水。人仔第一次去泳池呀!佢開頭有 D 驚,不過玩玩吓就玩到唔捨得走。我地玩㗎時候,婆婆就預備晚餐。就係整熱前一晚㗎 left over 同攞酒店㗎 free dinner. 呢晚有 sloppy joe 包薯條同沙律。咁我地就慳返一餐啦。
食完飯一陣,小朋友就沖涼瞓覺,大人就 hea 吓,咁又玩咗一日啦！
No comments:
Post a Comment