蟻隊遊 San Diego~ day 3

第三日,我地朝早食完早餐,執完嘢,十點幾 check out 酒店去 Carlsbad 啦！

呢日我地兵分兩路:哥哥一家去 Legoland.婆婆,人仔同我就去 Legoland 隔離個 outlet! 其實 Legoland 應該幾好玩,而且人仔唔洗錢,不過成人票唔平,所以都係留返 D 錢 shopping!等人仔大少少,識玩 D 至再去啦！

我放低哥哥佢地,就去 outlet.揸車技術麻麻嘅我突破咗自己,第一次揸 mini van 呀！! (之前係哥哥揸嘅)原來幾好揸㗎喎！

個 outlet 唔係好大,但人人都有收獲!婆婆話冇咩買,結果都買倒幾樣嘢!

我地行到五點幾就返去接哥哥一家。跟住就繼續北上,去到 OC 食晚飯然後返屋企。

呢三日過得好快呀！今次旅行大家都係志在一齊開心吓,去邊都冇咩所謂,所以行程好 flexible. 而且 San Diego 我比較熟,大概都識路,所以雖然帶住小朋友,但都玩得好輕鬆!人仔都有扭吓計,但大致上都好乖,可以去多 D 旅行啦！哈哈!