遊學回憶

早前香港某幼稚園辦遊學團去美國,收費萬萬聲,引來社會回響。我以為遊學團只係間幼稚園至有,原來我哥哥個女間都有。N 班學期尾會有新加坡遊學團。依家 D 小朋友認真把閉,三歲人仔就出國遊學。

我以前都去過一次遊學。當時我中五,學校史無前例地舉辦遊學團。兩位老師帶十六位學生去北京十四日。聽聞係僅只一次,後無來者,因為要老師帶十多位學生太吃力,所以之後㗎遊學團都同遊學機構合辦。咁又真係好吃力嘅,呢個病完到個病,十幾個女仔又鬧不和,落雨出去水浸攪到車死火。。。兩位老師身兼教導,領隊,醫護,調停,安排起居飲食等職責,既吃力壓力又大。



當年學到㗎中國歷史文化,我記得嘅唔多,反而當中㗎經歷,就刻骨銘心。最深刻㗎係大家一齊經歷咗一個小小㗎神蹟! 話說某日我地出外參觀㗎時候落大雨,四處水浸。當時我地坐緊㗎小巴突然死火,司機都唔知點算。老師們更冒雨落車推車,可惜途勞無工。我地當中有幾位基督徒,佢地帶領祈禱唱詩歌。其中最深刻㗎係詩篇121。冇幾耐,㗎車突然行得,馬路仲暢通無阻,大家平安咁返到洒店。到依家,當我讀到段經文,唱返首詩歌,都令我諗返次㗎經歷,提醒我神無論何時何地都會保護我地。

當然我地仲有好多有趣特別㗎經歴啦。一班人晌洒店大堂跟老師耍太極,齊齊晌酒店房洗衫,一班"靚妹"扭要食麥記,同當地同學仔有趣㗎交談。。。最難得嘅就係我地建立咗珍貴㗎友誼。每我返香港,一班"北京人"都會眾一眾,雖然冇一次齊人,但十幾年都保持見面,好難得!至於當年點解不和,大家都唔記得!下一次我返去,希望可以再眾,到時佢地仲可以見第一個"北京 BB" 添!(竟然係當年㗎男仔頭第一個做媽媽!!)