幼兒食譜~BB 蒸蛋黃

見幾位 blogger 媽媽整蒸蛋黃比 BB,我一路都想試整。最近人仔胃口唔好,我至"的"起心肝整比佢食。

其實都幾簡單易整:
一歲以下㗎 BB 唔適宜食蛋白,所以只用蛋黃,加配方奶,隔水蒸熟即可。

一歲以後如無敏感可以食埋蛋白。試過牛奶又 ok的話可將配方奶轉牛奶。

至於份量,我記得有個食譜㗎份量係一隻蛋黃加 30 mL 奶。我只係隨意落!

人仔膚差,加上蛋白比較難消化,所以我只係比蛋黃佢食。佢好鐘意食,次次都食咗蛋蛋至食其他嘢,所以我成日加餸比佢。整咗幾次,就諗吓不如加 D 嘢落 D 蛋度。第一次加咗菇菇,唔用奶,轉用湯。佢都好鐘意呀!等我下次又轉吓口味先!

蛋黃加湯拂匀。

菇菇烚熟切粒,加入蛋黃內。

蒸約五金分鐘。

即成。