有人病咗。。。冇得去威。。。

上星期日知道有 Super Bowl party 之後開心咗成個星期,仲整埋小食。點知。。。人仔星期六病咗,冇胃口加發燒。

我星期六返工,老公就帶人仔去 D 親戚度。下午人仔已冇胃口,仲有 D 興。之後好似好少少。到夜晚返嚟,佢仲有 D 燒。晚餐都唔係好想食。呢個仔一向食嘢又快又多,比咩食咩。佢冇胃口的話一定係好唔舒服,陰公豬!好在夜晚佢都瞓倒。



第二朝佢仲係興,同佢涼個涼之後好 D. 到中午佢已經好返,肯食返嘢！雖然佢好返,但我都係同佢留晌屋企。唉,阿仔,點解你好病唔病,要揀晌 Super Bowl Sunday 病呢？

屋企個電視收得差,睇唔倒。好在 download 咗個 app 可以晌電腦睇。不過我都只係睇咗好少,因為無端端又有親戚嚟,跟住人仔又開始扭計。。。。 佢晚餐又唔肯食嘢啦。。。希望佢瞓一覺會完全好返啦！