以前聽過一個研究係比塊曲奇餅一 d 四歲㗎小朋友,但係就叫佢唔好食,睇吓佢地可以忍幾耐。最近聽收音機提到呢個研究,話 D 研究人員一直 follow D 小朋友,發現當年忍得耐 D 㗎小朋友學業成績同 standardized test 㗎成績比較好。於是研究人員就繼續 follow D 人直至佢地 40 歲。個研究發現當年忍得口㗎小朋友㗎學歷,事業,什至健康都比忍唔倒既好!証明自制力對一個人㗎成敗有好大㗎影響!
其實都 make sense 嘅,自制力好 D 對成功應有 D 幫助。當你忍得唔去玩而去讀書,成績自然好 D; 當你忍倒唔食零食而走去做運動時,身體自然好 D。咁當然我相信凡事都有例外嘅。而且自制過頭又唔係一件好事,玩都唔玩一味死讀書;咩都唔食又狂做運動,咁咪仲衰。
研究人員又發現,忍得倒㗎小朋友有好多都用方法去引過自己對曲奇餅㗎注意力。例如佢地會踢吓腳,另轉身,什至同自己講塊唔係餅。。。咁如果個小朋友冇乜自制力,教佢地用方法去引開注意力,咁佢去又會唔會忍得耐 D?咁如果教咗佢地,而佢地又真係忍得耐 D, 咁對佢地將來㗎成敗會唔會有影響?呢 D 係研究人員依家研究㗎問題。
我覺得每個小朋友天生都有佢㗎個性。有 D 自制力好 D, 有 D 冇咁好。但係後天㗎培育都好重要。人仔天生屬於心急㗎人,我諗到佢大 D, 攞塊餅試佢,佢會係好快忍唔倒口要食批人。。。睇嚟我要研究吓點樣培養佢㗎自制力啦！
我覺得依啲研究可以當參考，但唔可以盡信，不過後天培育都真係好重要！
ReplyDelete肚B都係心急冇耐性嘅人，以前叫佢clean up只係執1、2樣野就發脾四，宜家可以自己執到幾樣，再我拖住手一齊執晒所有野架。最緊要父母唔放棄，就可以改善到架~
係呀,後天培養好緊要。做父母真係要好有耐性啊！
Delete我都聽過呢個實驗呀. 諗住遲啲俾田鼠b試下玩 :D
ReplyDelete我睇過個 video 係影住小朋友㗎反應,個個都唔同,但個個都好得意。我諗田鼠 B 都會好得意!
Delete聽說在2012年重做類似的實驗。
ReplyDelete先答應小朋友一些事, 但不遵守承諾; 然後才做忍耐的實驗。結果好像全部小朋友都會即時食。
再來一次就是先答應小朋友一些事, 今次遵守承諾; 然後才做忍耐的實驗。結果大部份的小朋友都能忍住。
可見對大人的信任, 都會影響小朋友的行為。如果做家長的, 能好好遵守承諾, 小朋友對其他人的信任就會高。相對於日後的做人處事, 可能都會有大的影響啦! :)
個實驗又幾得意喎！
Delete家長㗎信譽好緊要呀！我要小心唔好 break promise! :p