得意小玩具

人仔好多人錫,有好多叔叔姨姨哥哥姐姐耐不耐就送件玩具比佢。最近,收倒一件幾得意嘅玩具
叫做 rainball. 佢係一個波形㗎物體,中間空心,一邊有一個孔另一邊有幾個。

成個波波放入水裡面,水會由一邊㗎孔入去波波裡面,而另一面就有氣泡出嚟。好好奇㗎人仔鐘意望住 D 泡泡然後用手指仔篤篤篤。攞個波波出水, D 水會晌個孔度流出嚟,一邊係水柱,一邊似花洒,人仔次次見倒都笑笑然後用手仔嘗試捉住水柱。

睇個玩具㗎包裝,覺得佢唔係平嘢。上網揾一揾,嘩,成 US $11!都幾貴喎,真係多謝晒朋友啦！其實我諗要 DIY 一個類似㗎玩具都唔難。揾個樽,底面篤 D 孔,既可入水,又可以倒水,都應該幾好玩!