人人都話 Bay Area 好凍,雖然我地唔會週街行,但係我都帶定 D 厚衫厚褸,有好過冇嘛！ (不過其實都唔係咁凍,因為我地去幾日暖返,而且點凍,都唔及我以前住㗎地方凍!)只係人仔㗎衫褲鞋襪尿片睡袋毛巾小玩具都用咗一個中喼。反而我同老公㗎衫就只係用個細喼。
瞓覺方面,我地就帶個 play pen 比佢瞓,等佢可以安全自己瞓。沖涼本來諗住帶個吹起沖涼盆,不過後來覺得可以比佢坐浴缸沖,所以就冇帶。另一樣大件嘢就係 stroller。我地問人借咗㗎 umbrella stroller, 咁就輕巧好多!
食嘢方便,其實人仔都可以食倒 bit size 㗎嘢,所以我冇餐餐煮比佢。出去食,佢起碼可以食飯,麵包,我地又可以帶水果比佢晌街食。不過都要帶唔少佢㗎嘢:膠碗,水杯,匙, travel high chair (因親戚屋企冇),暖壺 (咁要整嘢比佢食都得), cheerios, bibs,巾仔。人仔未誡晒奶,所以都帶咗兩個奶樽同少少奶粉,仲有奶泵 (只係用咗一次)。end up 都係早晚埋身餵,來回車程就沖/泵奶各一次。誡埋奶的話會仲方便!
雖然要攞好多嘢,但可以同人仔去旅行真係好開心!我同老公成日話要同佢去 camping. 好期待呢！
No comments:
Post a Comment