終於。。。識食 finger food!

人仔一直都唔識自己用手攞嘢食,先排仲識餵人但係就唔識餵自己。今個週未經過"特訓"之後,佢終於都識用手食嘢啦!依家早餐同小食都會比佢自己食,正餐會教佢用匙羹,或者比佢用手食。我冇時間或出街就餵返。

佢識自己食之後,開始睇倒佢鐘意食咩。最鐘意係食 cheerios ,食得好快。麵包,提子都鐘意。芝士就麻麻地,會攞晒出個碗,或者餵我食!不過餵佢佢都會照食!切咗粒㗎蔬菜都會自己攞手食。

識得用手食之後,就成日放嘢入口。同佢去超市佢攞起成個橙想放入口。最攪笑嘅係,佢有次雙手攞住成條香蕉,好似飲奶咁想成條放入口!

用匙羹方面,都係要我幫佢"畢"起食物,然後佢可以攞住枝羹放入口,不過通常都食唔倒,要我再幫幫!