菠菜芝士蛋餅

 

呢度個韓國超市D菜好平，不過來來去去都係𠴱幾種,菠菜係其中之一。成日都係清炒或者烚，都試過整涼拌⋯一次咁多喇⋯ 今日試下新嘢。啱啱見倒有朋友整quiche, 咁我就試下整菠菜quiche 喇! 

琴晚醒咗n次，所以今日唔慢慢搓批皮喇，又唔想買，再加上食埋皮會比較濟，咁就整個crustless 㗎喇，慳水慳力慳工夫!哈哈!

我睇咗幾個食譜，但因為屋企材料有限，所以都係自己自由發揮!首先將洋蔥同菠菜切碎，加少少salt and pepper 炒熟，放入已掃油㗎pie pan。打三隻蛋，加1/4cup 牛奶(加 cream 會仲好味!), 再加碎芝士(屋企得一片片㗎芝士同芝士粉所以我只係將片芝士撕碎同落芝士粉)，然後倒入去個pie pan 度，跟住焗大約40分鐘。

今次可能芝士唔啱同唔夠，味道麻麻，不過賣相唔錯，老公見倒，就話好似好好食喎!個Quiche 一D都唔難整，亦唔花時間，材料又可以自由配搭，絶對可以再整。下次買好材料再試過!