就嚟半歲㗎人仔，最大＂成就＂就係瞓天光喇!上星期人仔開始由八、九點瞓到四、五點至食奶!中間可能醒一、兩次，不過比個奶嘴佢就好快瞓番，只係有一晚要出動吸塵機令佢calm down. 佢依家好鐘意扒晌度瞓，瞓瞓下會自己返咗身，有時又會打側瞓，好得意!
食奶奶
佢依家每餐食6-8oz, 一日四餐(9:00, 13:00, 17:00, 20:15-20:30), 再加一至兩餐埋身餵(4:00-700), 次次一定飲晒!
下星期睇完醫生應該可以食solid. 其實我自己試咗比少少牛油果佢，不過佢吐返出嚟!可能唔知食得!我又成日帶佢去廚房聞食物、香料，刺激下佢㗎嗅覺。我地食飯，就會放佢上high chair等佢都可以＂參與＂，仲成日放D食物去佢嘴邊然後話佢知係乜。不過佢全冇idea，唔會張口想食，哈哈!尿片片
今日用最後一條size 2 片喇!一、兩星期前已經比佢瞓覺用2/3號片，大少少冇咁易漏。我地一向買開baby for us 片，平到不得了。質地冇咁好但都唔會成日漏。還掂都成日換，而個價錢平一倍有多(us$ 十幾vs 四十幾!)，所以就用平片囉。D2/3號pampas 片係人地用剩，有百幾條。所以人仔呢排有貴片用喇!
大運動
最叻反身，supine to prone 向左。偶爾一次可以再反轉(prone to supine), 反完會笑兩聲，好滿足咁!
其實佢最初係識prone to supine 先，唔知點解到依家都唔係成日反倒
。最鐘意企，當然要人扶。一企就會好神氣!小運動
好多手，乜都要摸下攞下，有時可以將物件轉手。手仔冇嘢玩時會玩腳仔。
社交
笑多咗，好多時見我走近就會笑。
又會＂講野＂同＂唱歌＂!
No comments:
Post a Comment