少 snack 多滋味

一向，人仔食嘢都幾好嘅，先嗰排，叫親佢食晚飯佢都要三吹四請至嚟，又話飽，又話要吐出嚟，一係就要繼續玩，食又食得慢。

有日我同老公有嘢做，下午要擺係喎親戚屋企。親戚好錫佢，知佢鐘意食，於是不停比嘢佢食。餅乾水果仲有朱古力食唔停。到夜晚我哋去生日會，有佢鐘意㗎 pizza 意粉，佢一口都唔食，我諗佢食 snack 食飽晒，所以都冇迫佢，由佢玩。

嗰晚之後，我開始諗，平時㗎 snack 會唔會多得濟，令佢冇胃口食晚餐。其實平時㗎下午茶都係餅、水果之類，耐唔中有蛋糕咁，都唔係好多，但可以對佢嚟講都好飽肚。所以我嘗試只係比佢飲杯奶或者食個生果就算，唔再比餅乾之類㗎零食。果然，夜晚開胃咗，一叫佢食飯就嚟食，又食多咗。

當然，佢會有要求要食餅，佢鐘意食餅到有時發開口夢都話“食餅餅”！但食飯前一定唔比，佢扭都唔比，呢啲位要企得好硬，唔可以心軟，唔係比佢知道扭係 work 的話，我就有排煩!