手搓包情意結

第一次玩手搓包係讀大學時㗎某年暑假，嗰時比較得閑，就晌圖書館借咗幾本整包書自學,整歐式包。嗰時整㗎包一出爐係好正，不過好快變石頭。過咗一排就冇乜點玩。

第二次係大肚時。嗰時轉咗做 part-time,得閑啲，又心血來潮整包。嗰時上網揾咗好多資料，揾倒整港式包食譜，試咗幾次之後開始成功，整倒香軟㗎包。不過就要搓成個鐘。生咗之後當然冇時間玩啦！

最近又有舖焗嘢癮!想揾部麵包機返嚟。揾揾吓發現免揉包呢樣嘢，一試上癮!整整吓又挑起舖搓包癮!今次繼續上網“進修”，睇咗好多 video. 搓包技術開始有進步，但可能天氣凍，發酵比較難，所以成品仲差少少。但味道唔錯，亦好軟熟!希望會越做越好啦！