就嚟五個月喇!

人仔就嚟五個月大喇!記下佢㗎進展先：

Gross motor development
前幾日開始可以自己坐。開頭只可以坐一、兩秒，今日已經可以坐倒十秒八秒!佢好鐘意企，腳仔好有力，可以bear weight。其實佢一個月倒已經得，當然我要扶住佢喇!頸都好有力，有時pull to sit 都冇head leg. 反身方面，兩面都試過反倒，不過佢好少反。由supine 到prone 只係反倒一次，仲要係扭緊計𠴱時反。

Fine motor development
手仔可以捉倒D細玩具，又可以攞住奶樽食奶，當然我仲要扶下喇!佢好努力咁練手眼協調，有時睇得出佢架depth perception 唔係好準。

食
一日六至七餐，每餐五至六安士，想餐餐六安不過佢有時會吐番D出嚟。清晨依然會埋身餵，盡量餵完放番佢上床仔，不過好多時都好攰，因為有時清晨𠴱餐變咗半夜⋯⋯

瞓
最令人頭痛㗎一項。nap time 仲係定唔倒。每晩九點放佢上床，唔再抱，只係捉住手仔，掃下額頭咁，平均要二十分鐘至瞓著，如果佢大喊，會出動吸塵機，佢一聽倒多數都會瞓。

講通
有時都幾多嘢講。有時同佢玩佢會笑出聲，不過我覺得佢唔係成日笑，係成日喊（多數係扭眼睏）⋯⋯ 而且望佢佢會令轉面，佢一路都係咁，唔知點解。