我又唔記得人仔又大咗一個月啦！哈哈！
食同瞓同之前差唔多，除咗病嗰時食得差瞓得差又痴身之外，其他時間都好易湊。當然，少少扭吓計一定有，但都唔過份。
今個月其中一個進步係正式識唱歌。某日佢自己玩緊㗎時間，無端端唱 ABC 歌㗎最尾幾個字。依家佢唱倒成首了，不過發音係唔正的!另外亦識唱某啲“上堂”唱㗎歌。好在我係同佢一齊“返學”嘅，所以聽得明佢唱咩歌!
Potty training 方面，佢開始會同我講佢去咗 poo poo,不過唔係次次講。咁都算有進步了。天氣暖少少就試吓同佢正式戒啦。
繼續都係鐘意車，其次係音樂。成日扮彈琴，扮打鼓，一見倒琴又要走去玩。睇彈琴 video 時手指仔都會不自覺感彈。老公成日話男仔識彈琴好型，我就冇咩意思要佢學，如果佢唔鐘意就無謂了。但見佢真係有啲興趣咁，睇嚟都係會比佢學。好在我識少少彈琴，可以教吓基本嘢，等佢真係鐘意至正式學，咁可以慳返啲!
No comments:
Post a Comment