隨意的聯線練習

比支筆人仔畫畫,好多時會變成我畫車車比佢睇。人仔鐘意啲車一架拖住一架,於是我就畫啲車,然後我叫佢畫啲線將一架架車拖住。估唔到畫條直線都唔易㗎,唔怪得我見好多練習簿都有聯線練習啦!

之後我又畫啲人同車,叫人仔畫啲線帶啲人搭車。開頭都有畫,但之後唔肯畫,佢話啲人唔搭車,要行路喎。好在唔係要交功課,唔係就激 c 我了！哈哈!