低鐵人仔

前幾日帶人仔去九個月 check up。人仔重21榜3安士, 長28串。上幾次佢都係瞓晌個榜度榜,今次佢太長啦,要坐上去!日日見住佢都唔覺佢長咗咁多!

九個月check up 唔洗打針,不過要驗血,睇吓夠唔夠鐵質。咁即係都要拮針!驗血結果即刻有,醫生話佢鐵質偏低。鐵質偏低可以食 supplement 補充,但醫生話食 supplement 會令牙仔有積,我識有個朋友個女就係咁,不過牙仔會換,而且健康比外觀重要,所以要食都唔係太大問題。但醫生講食 supplement 仲有可能會令人便秘。依家人仔便便時已經谷到面仔紅晒,成個關公咁,再便秘佢咪谷爆面都呵唔出? 其實我都唔太鐘意人仔食 supplement,令願在飲食上補充,盡量食天然嘢,被免食 supplement。紅肉,豆,西蘭花,綠葉蔬菜都係高鐵質。原來食高鐵質食物同時食高維他命C 㗎食物有助鐵質吸收,等我煮嘢比人仔時留意吓先!