煎焗鱈魚頭/柳

99晌度,真係差不多餐餐都食魚,因為佢覺得魚好有益。我一向都冇食咁多魚。以前自己住,煮一餐帶埋飯第二日返工食。帶返工嘅唔可以有海鮮因為好多美國人怕魚味,所以我好少煮魚。結咗婚之後好快就大肚,大肚就唔食咁多魚因為怕水銀,所以都係一星期食一次倒。

呢排真係食多咗好多魚(希望人仔唔會水銀過高!)。之前都係99 煮,佢又唔係好鐘意人幫手,所以我都有咩點入厨。最近佢身體唔係咁好,我就要幫手煮飯,機學吓練吓整魚!

鱈魚頭/柳洗淨抹乾,用鹽略醃,撲少許麵粉上面。

加羌,兩面煎一煎,然後加少許豉油,水,糖,蓋上蓋慢火焗熟。