朝早嚟到,原來好多學校成團咁嚟 field trip, 所以都好多人呀,不過聽講週末會仲迫!
我地先去買飛, wagon ride, petting zoo, farm admittion, pumpkin patch 幾樣加埋 $10, 未到兩歲㗎人仔就唔洗錢!
一嚟到人仔就話"坐車",所以就上咗 wagon. 架 wagon 會停一個站,就係個 petting zoo. 個 zoo 有好多羊,同兩隻alpaca, 朝早仲啱啱有隻 alpaca 出世!睇住佢第一次企起身同啜奶奶,好 amazing 呀！人仔就有 D 驚 D "咩咩",唔敢摸佢地。佢又驚,但又要睇,哈哈!
睇完動物,又上返 wagon. 架車圍住個 farm 行咗個圈,之後我地落車,就行去田度摘菜啦!當日有紅蘿蔔,豆同洋蔥。其實我咁大個女,都係第一次摘紅蘿蔔咋！本來冇諗過摘嘢嘅,但一場嚟到,又可以比人仔體驗吓,於是摘咗少少,返屋企就可以同佢一齊煮一齊食啦！
摘完菜,坐低食少少嘢,然後去南瓜田,我又忍唔住攞咗個細嘅！
D 蔬菜以磅計,比完錢諗住走,但人仔想再坐車,於是又同佢坐多轉。 school tour D 人走咗好多,所以呢轉坐得好鬆動!
好好玩咁, 我覺得去吓呢啲, 小朋友好似上咗一堂咁, 好過我樂園添呀........(講講吓後悔買槳園annual pass 添)
ReplyDelete去樂園都好呀,小朋友實開心!買咗就唔好諗咁多,一家人玩盡佢! 嘻嘻。。。
ReplyDelete人仔睇住咩咩個樣好好奇咁~~ ^^
ReplyDelete南瓜田一個個南瓜攤晒響地下，好壯觀啊！有機會真係想去睇下~~ ^^
我見倒 D 南瓜都覺得好壯觀呀！
Delete