晌屋企玩食得㗎沙

人仔驚沙,同佢去過兩次沙灘,都係要好長時間 warm up 至敢摸吓沙。試過去一個 playground, 地下舖沙,佢直程唔敢行入去。

其實玩沙既好玩,又可以刺激小朋友㗎觸覺,我希望人仔唔好咁驚沙,可以開開心心咁玩。我想佢接觸多 D, 令佢唔好驚沙,但係我又唔想吓吓走去沙灘,又晒又要帶好多嘢,而且沙灘唔係好近。

最近上網見有人用麥粉加油整成"沙"比小朋友晌屋企玩。呢個方法好方便,而且 D "沙"係食得嘅,咁整咗入口都唔驚啦！

第一次玩,整少少試吓先。佢咁怕沙,比枝羹佢玩,唔係一定唔肯玩。

用羹玩得好開心,其間都有用手掂吓沙,不過仲係唔鐘意用手玩。

第二次玩雖然仲有少少怕污漕,不過都敢用手玩吓啦!