易湊？難湊？

人仔個表妹兩星期前出世，令唔夠九個月㗎人仔榮升表哥！表妹在香港，所以未有機會見。不過聽講表妹好易湊，一星期唔夠就夜晚十一點瞓到朝早六、七點。食得快，食完就瞓，冇咩點喊！如果人仔係咁就好啦！

人仔頭幾個月成日喊，之後有濕疹，而瞓方面，到依家半夜仲成日醒。我好多時會諗，係咪我有咩做得唔好，係咪我食咗D咩令人奶有嘢令人仔食咗唔舒服？見倒表妹咁易湊，又聽過第二D BB 易湊難湊之處，令我覺得BB㗎本性，有部份係天生，係我改變唔倒。所以我唔應該咁自責，盡咗力就得！

亦因為咁，湊BB唔可以一本通書睇到老。例如訓練BB瞓教，有人用cry it out 㗎方法,由得個BB喊,幾日之後個BB就識得自己瞓，有人要訓練幾星期至得，有人訓練咗幾日，發覺BB仲喊得緊要，要用第二D方法至得,又或者繼續半夜抱佢比佢食奶。所以做媽媽㗎，唔可以只係聽人講要點點點，唔可以咁咁咁... 

有好多人話媽咪通常最了解BB，有直覺，知道咩係對個BB最好最有效。我覺得我好似仲係摸索緊，有時直覺啱，有時唔啱。希望我可以再了解佢多D，令佢易湊D！

西班牙文速成班

上星期聽完個同事講話佢從病人中學西班牙文，令佢足以應付工作。今日我就有個講西班牙文，又識少少英文㗎病人，於是我就問下佢一D字㗎西班牙文。點知佢非常積極咁教我。見到咩都指住然後講個西班牙文比我聽。門、窗、出口、藍色、洗手間、手、腳、室外....

又多又快，我只係記得好少，不過我都記得幾個有用的。

walk=caminar
pain=dolor
stairs=escalera
walker=caminante
patient=paciente
個病人真係好積極咁教，佢仲叫我要 práctica práctica, 練多D! 

就嚟九個月啦!

呢兩日冇返工,唔知點解我覺得好悶,提早update啦!

九個月㗎人仔活動能力大躍進!依家坐得好好,爬得好快,不過係軍人式為主可以on hands and knees 咁爬一步半步不過唔係好平衡倒!可以扶住嘢跪,仲試過自己拉起身企,但唔識坐返低!依家真係要成日睇住佢,因為佢好容易會撞倒,又會去D危險地方。放佢上大人床,轉個頭,佢就去到床邊。放佢去地度玩,佢爬爬吓又會返身頭撞地真係想比個頭盔佢戴!

瞓覺方面,半夜依然醒幾次。日間多數nap兩次,每次半個鐘至個幾鐘。依然未能夠自行入睡,要食住瞓或者係車度瞓。6299走咗之後可以要同佢特訓啦!

食一向係人仔強項,不過最近都有D扭計,幸好多數時候佢都食得好。試過嘅新嘢包括節瓜,冬瓜,提子,布冧,李。終於買咗菠菜(99唔平唔靚係唔會買,所以一路都冇買!),應該呢兩日會試!

最近佢鐘意媽媽聲同爸爸聲,老公一聽倒佢叫爸不知幾開心!又好鐘意噴口水。暫時未有新牙,仲係兩隻。

九月頭至睇醫生,到時就知佢重咗同高咗幾多!

聯合國

LA 係一個有好多唔同種族人居住㗎地方。我响醫院做嘢,當然會遇到好多唔同國籍㗎病人。好似今日,就有墨西哥人,越南人同波蘭人。幸好,佢地都有親戚在場,可以幫手翻譯,如果唔係,就要揾吓有冇職員講種話,否則就雞同鴨講,指手畫腳!

我工作環境中最普遍㗎外語係西班牙文,好多時都可以揾倒同事翻譯,不過如果自己識幾句,咁會方便好多。我一直都好想學,試過上網學,不過唔係好學倒。今日同個同事傾開,佢話佢識少少西班牙語,可以應付醫院工作。我問佢點學,佢話都係病人教,一邊做,一邊問。其實來來去去都係要講嗰幾樣嘢,所以問得多,講得多,自然識!又係喎!我都有從病人中學,不過只係學吓數數字識hell咁,冇諗過咁問問吓會可以問到溝通倒,等我努力問多D學多D, 希望可以學到應付倒工作啦!

檸檬慕斯蛋糕(附食譜)

最近好少入㕑,因為99响度,我又成日返工,所以我只係間唔中整吓小蛋糕咁。況且小蛋糕唔係你咁啱佢地口味,所以呢三個月我只係整咗兩次!

今日係老公生日,本來我只係想整個杏仁豆腐比佢,費事整咗個蛋糕冇人食不過我又好想整,老又鐘意,加上上次整個檸檬慕斯成功咗,所以就決定整啦!

今次整得好簡單,海綿蛋糕低加檸檬慕斯,面用三粒藍莓加薄荷葉,冇cream,冇啫哩。清清地,幾好。

失敗過幾次,像皮,冇味,魚膠粉變椰絲.... 今次係最似樣!所以今次雖然簡單,不過我好滿意。下次整,可以吓中間加多片海綿蛋糕,應該會仲好食!蛋糕cut細少少,等D mousse 可以流去個邊,然後唔用保鮮紙(今次用係因為個蛋糕圈開始'脱皮',係時候買新嘢!),咁會靚D!食譜:

海綿蛋糕 (6")蛋 2隻
糖 60g
低根麵粉 75g
牛油溶液 25g

1, 蛋同糖打至企身
2, 小心加入笹過的麵粉
3, 伴入牛油溶液
4, 放入預熱350F的焗爐,焗20-25分鐘

檸檬慕斯檸檬汁1/3杯
糖 1/2 杯
水 1/4 杯
Heavy whipping cream 1杯
魚膠粉一包(5g)

1, 將檸檬汁,糖,水,魚膠粉煮溶,拌勻。
2, 將cream 打至企身。
3, 拌勻1,2的材料。

媽媽聲

呢幾日,人仔開始識叫媽,不過我相信佢唔識媽點解!佢成日'媽媽'聲,好得意!佢今日仲開始識講'爸'.頭先佢一整跌D玩具,就'爸'一聲!哈哈!

佢好鐘意'講嘢',又大聲,似爸爸!未識講嘢之前,希望佢會識BB手語,咁佢就口唔會咁忟。其實我一直都有教佢,不過佢未學識。D人話多數要九個月至識。期待中!

營養學

其實我一向都對營養學好有興趣。上網睇書有時都會睇D關於營養學架資訊。都唔明點解讀大學時冇想過讀營養學，一堂都冇take過!依家我有想過讀返個營養學學位然後做營養師。但由於物理治療師人工高D又易搵工D，所以再花錢同時間去讀係唔化算。

今日返工唔係咁忙,所以就睇下D營養師㗎note.原來做醫院㗎營養師都唔簡單!要因應病人㗎lab values, 食㗎藥同medical conditions 而判斷病人在營養上㗎需要。我要讀的話,真係有排讀!而且我以前冇讀過bio chem 同organic chem, 所以都好難讀倒個degree. 

不過我相信我繼續自學。咁有用㗎知識,識多D,對自己有用之餘,又可以幫人,點解唔學呢？

一個?兩個?

以前覺得一係唔生，一生就應該生兩個，等佢地有個伴。依家老實講，我有D保留。其實人仔出世𠴱一刻，我心裡想，以後都唔生，因為生𠴱下都幾辛苦！

之後慢慢唔記得生仔時架痛，又見人仔好得意，所以都冇咁抗拒生多個，但最快都要等老公畢業之後。不過最近唔知係唔係人仔半夜又再成日醒，定係見得D怨婦多，攪到我唔想再生。一來我想快D可以瞓好D，二來我唔想我生咗兩個之後都加入怨婦行列，見親人就投訴湊仔辛苦，所以對於生多個，我有所保留...

生唔生多個係重大決定，而且要生就最好唔好拖咁耐，但這一刻你問我，我會話唔想生....

生命無常

最近有兩個cases,不得不令我感嘆生命無常！


前幾日有個eval係一個晌ICU架病人。佢需要呼吸機維持生命。通常，咁嚴重架病人我地都做唔倒D咩。我同個同事eval 個病人架時候，想扶佢坐，但未坐起，血氧已經跌咗D，而且個病人完全participate唔倒,係半昏迷狀態，所以我決定佢暫時唔適合接受物理治療。

兩日後，我在ICU見另一個病人。同事指住之前個病人個床位同我講，𠴱位病人情況冇好轉，因某原因，醫生在病人家屬同意下，停止呼吸機，讓病人慢慢離去。𠴱一刻我望住個用簾圍住，冇燈光架床位,。知道有一個生命正慢慢離去，覺得好可惜。前兩日我仲同個病人架家屬傾過，佢地話病人做完個小手術就急轉直下，之前佢仲可以自己行... 我相信佢架家屬一定好難過。

***

另外一個五十多歲架病人，入院前兩星期跌斷腳，做完手術之後去咗老人院rehab.之後發現有感染所以再入院。我eval佢時都覺得奇，雖然佢一隻腳係non-weight bearing，但咁後生，應該都可以返倒屋企，點解佢會去咗老人院呢？eval時佢企唔倒，只係可以免強坐起身，活動能力比我預期中低。不過佢好motivated,又好合作。第二日我返工時見佢discharge咗，我諗佢可能係去返老人院，我仲心諗點解今次咁有效率？平時D discharge都要起碼一兩日。過幾日，有個同事同我講原來𠴱位病人當晚過咗身....  


生命真係無常，要好好珍惜！

八個月喇

又過咗至寫添最近好忙，因為返多咗工，咁D家務又積埋晒，冇時間寫blog. 不過再唔寫，九個月都嚟喇!快D記錄八個月㗎進展先!

活動方面，開始可以自己坐，爬倒少少不過係軍人式咁爬，肚貼地𠴱隻，可以向前向後同360度轉！可以on hands and knees, 不過未可以咁爬。可以扶住企，唔洗人扶住佢都企倒!反身快到不得了!依家換片換衫都係扒住!初初真係考起我，不過依家已經熟手喇!

食方面，開始食粥仔，用雞、瘦肉或魚煲，加南瓜或potato. 其他新食物包括西瓜、桃同冬瓜。好想比佢試菠菜同豆!

出咗兩隻牙仔!出牙𠴱排都幾扭計，夜晚又成日醒。依家好少少，不過都醒兩、三次，但至少冇乜大喊。

瞓覺仍然唔叻，依家仲攪到要食住瞓，一係就坐車瞓⋯ 睇嚟要等62 99 走咗之後要train 下⋯