出去抖啖氣～play date + 午餐約會

本來 6299 星期六走，咁我就約個朋友星期一食 lunch 同比啲仔一齊玩吓，點知佢哋可能會留多十幾日，朋友個仔又開始返 preschool, 改唔倒期，所以我哋就照原定星期一㗎約會。

我哋去一個幾特別㗎 food court。我哋早到，四圍行吓。啲擺設幾特別!人仔玩得好開心!

仲有㗎 tractor 添!人仔當然爬咗上去扮揸車啦！

嘢食種類好多，正餐甜品小食咖啡舖都有。我哋揀咗食越南粉，因為朋友個仔鐘意食。

之後行咗一陣，再食埋個雪糕，小朋友們都有啲攰啦，要返屋企午瞓。

我幾鐘意呢個地方，遲啲媽媽過嚟，一定要同佢嚟吓!