第一次產檢～7月

隨著人仔開始大，湊佢越來越輕鬆，加上老公讀完書，自己又唔想做高齡產婦，亦唔想人仔同弟/妹差太遠，所以都係時候要多個。

頭嗰兩個月，其實一直都冇咩唔舒服，只係有少少作嘔同胃口麻麻。有時攰就同人仔一齊午覺。

由於平時係我一個湊人仔，所以產檢都帶埋佢去，順便比佢 involve 多啲 BB 㗎嘢，比多啲心理準備佢做哥哥!

晌等候室時乖乖坐晌度畫畫。

產檢都係等完一輪，做少少嘢，又等一輪。所以我帶定多啲嘢比人仔玩。佢都好乖，醫生檢查時又冇攪攪震。

之後仲要去抽血，抽咗9筒!人仔就自己坐隔離玩車車。

佢全程都好乖，希望嚟緊次次都咁合作!